ខេត្តកោះកុងៈ លោកវរសេនីយ៍ឯក នួន វុត្ថា មេបញ្ជាការរងទទួលការងារស្រាវជ្រាវនិងបង្ក្រាបបទល្មើស បានដឹកនាំកម្លាំងការិយាល័យជំនាញ នៃបញ្ជាការដ្ឋានកងរាជអាវុធហត្ថខេត្តកោះកុង សហការជាមួយកម្លាំងស្នាក់ការសន្តិសុខចាំយាម កម្លាំងមូលដ្ឋាន ក្រុងខេមរភូមិន្ទ កម្លាំងមូលដ្ឋានស្រុកបទុមសាគរ និងពន្លាតដែនសមត្ថ កិច្ចដែនដីទៅខេត្តព្រះសីហនុ បង្ក្រាបបទល្មើសជាក់ស្តែង ករណីជួញដូរ រក្សាទុក និងប្រើប្រាស់ដោយខុស ច្បាប់ នូវសារធាតុញៀន ចំនួន៦គោលដៅ។
ការចុះប្រតិបត្តិការនេះ ដោយមានការសម្របសម្រួលពីលោកស្រីព្រះរាជអាជ្ញា នៃអយ្យការអមសាលាដំបូងខេត្តកោះកុង និងលោកព្រះអាជ្ញា នៃអយ្យការអមសាលាដំបូងខេត្តព្រះសីហនុ និងដោយមានការចង្អុលបង្ហាញពីលោកឧត្តមសេនីយ៍ត្រី តាំង ឈុនស្រេង មេបញ្ជាការកងរាជអាវុធហត្ថខេត្តកោះកុង ចាប់ពីថ្ងៃទី១៥-២២ ខែតុលា ឆ្នាំ២០២៥ ។
ក្នុងនោះ បានឃាត់ខ្លួនជនសង្ស័យចំនួន១៧នាក់ (ស្រី៤នាក់) និងដកហូតវត្ថុតាងរួមមាន ៈ ១-ម្សៅក្រាមសថ្លា សង្ស័យសារធាតុញៀន ចំនួន៤៩កញ្ចប់ ស្មើ១១១៨,៧២ក្រាម។ ២-កញ្ចប់សញ្ញាពណ៌ស រូបសេះពណ៌លឿង និងពណ៌ក្រហម ចំនួន២៨កញ្ចប់ ស្មើ១៣២,៤៦ក្រាម (ថ្លឹងទាំងសំបក)។ ៣-កញ្ឆា ចំនួន២កញ្ចប់ ស្មើ១១,៧៩ក្រាម (ថ្លឹងទាំងសំបក)។ ៤-ម៉ូតូ ចំនួន៧គ្រឿង។ ៥-ទូរស័ព្ទដៃ ចំនួន២៥គ្រឿង។ ៦-អត្តសញ្ញាណប័ណ្ណ ចំនួន៦សន្លឹក។ ៧-ជញ្ជីងថ្លឹងថ្នាំញៀន ចំនួន២គ្រឿង។ ៨-ដាវ ចំនួន២ដើម។ ៩-ដែកឆាប ចំនួន២ដើម។ ១០-កាំបិត ចំនួន ២ ដើម។ ១១-កន្ត្រៃ ចំនួន២ដើម។ ១២-នាឡិកាដៃ ចំនួន៣គ្រឿង។ ១៣-កាបូបស្ពាយ ចំនួន៤ និង១៤-សម្ភារៈវេច ខ្ចប់ ប្រើប្រាស់គ្រឿងញៀន មួយចំនួន។
ជនសង្ស័យទាំង១៧នាក់ រួមនិងវត្ថុតាង ត្រូវបានសមត្ថកិច្ចជំនាញ រៀបចំកសាងសំណុំរឿង បញ្ជូនទៅចាត់ការបន្តតាមនីតិវិធី៕