ភ្នំពេញ ៖ បុរសម្នាក់សង្ស័យបែកថ្នាំ បានឡើងលើដំបូលផ្ទះប្រជាពលរដ្ឋផ្លោះពីមួយទៅ បង្កឲ្យមានការភ្ញាក់ផ្អើល កាលពីវេលាម៉ោង១និង៣០នាទី រំលងអាធ្រាត្រ ឈានចូលថ្ងៃទី១៦ ខែមិថុនា ឆ្នាំ២០១៧ នៅផ្លូវបេតុង ភូមិឬស្សី៣ សង្កាត់ស្ទឹងមានជ័យ ខណ្ឌមានជ័យ ។
តាមសម្តីប្រជាពលរដ្ឋបានឲ្យដឹងថា មុនពេលកើតហេតុ ពួកគាត់កំពុងតែសម្រាន្តលង់លក់ ខណៈពេលនោះក៍ស្រាប់តែលឺសំឡេងសំរឹបជើងលើដំបូលផ្ទះរបស់ពួកគាត់ ស្របពេលនោះដែរ ពួកគាត់កបាននាំគ្នាបើកទ្វារផ្ទះចេញមកក្រៅ រកមើល ក៏ស្រាប់តែឃើញបុរសម្នាក់មិនស្គាល់អត្តសញ្ញាណបានឡើងលើដំបូលផ្ទះ ទាំងសភាពភ័យស្លន់ស្លោ ស្រែករវើរវាយ រួចហើយបានផ្លោះពីដំបូលផ្ទះមួយទៅដំបូលផ្ទះមួយ ឃើញដូច្នេះពួកគេបានហៅឲ្យចុះ តែបុរសរូបនោះមិនព្រមចុះនោះទេ ឃើញសភាពដូចនេះ ពួកគាត់បានរាយការណ៍៍ទៅដល់នគរបាលប៉ុស្តិ៍ស្ទឹងមានជ័យ ឲ្យចុះទៅមើល ។ លុះដល់សមត្ថកិច្ចទៅដល់ បាននិយាយលួងលោម ទើបបុរសរូបនោះព្រមចុះមកក្រោមវិញទាំងសភាពភ័យស្លន់ស្លោ រួចហើយក៍បាននាំខ្លួនបុរសរូបនោះ មកធ្វើសាកសួរនៅប៉ុស្តិ៍នគរបាលស្ទឹងមានជ័យ៕
