សុគន្ធ និសា តារាចម្រៀងរស្មីហង្សមាស កាលពីម្សិលមិញនេះ បានចូលរោងការតាមប្រពៃណីខ្មែរត្រឹមត្រូវហើយ ជាមួយបុរសអាណិកជនអាមេរិក ចៅ សម្បត្តិ ហៅសាំបា រស់នៅរដ្ឋឡូវែល៍។ នៅក្នុងកម្មវិធីសូត្រមន្តចំរើនព្រះបរិត្ត ភ្ញៀវកិត្តយស បានសរសើរនិសា មិនដាច់ពីមាត់ថា ពិតជាស្អាត ស័ក្តិសមជាកូនក្រមុំក្នុងក្តីសុបិន្តលោកសាំបាន ប្រាកដមែន។
នៅព្រឹកនេះ កម្មវិធីហែជំនូន (កំណត់) បានចាប់ផ្តើមនៅវេលាម៉ោង៧ៈ០០នាទី សុគន្ធ និសា មិនខុសពីថ្ងៃចូលរោងម្សិលមិញនោះទេ នៅតែមានរូបសម្រស់ស្រស់ស្អាត ហើយកូនកំលោះ លោកសំបា ក៏សង្ហា មិនចាញ់ប៉ុន្មាននោះទេ។
នៅក្នងពិធីហែំជំនូននេះ គេបានឃើញវត្តមានតារាចម្រៀង តារាសម្តែងល្បីៗចូលរួមគគ្រឹកគ្រេង ដូចជា លោកណុប បាយ៉ារិទ្ធ, ឆន សុវណ្ណរាជ, ឈិត សុវណ្ណបញ្ញា, Step, រ៉េត ស៊ូហ្សាណា, លី ម៉ារីណា, កែវ ច័ន្ទនិមល, រ៉ាប៊ី…៕
