ភ្នំពេញ ៖ បុរសម្នាក់ជាជនជាតិបរទេស បាននាំស្រ្តីម្នាក់ទៅរួមរ័ក មិនទាន់បានរួមរ័កផង ចោទនាងថា លួចលុយបានចាប់បោកក្បាលផ្ទប់នឹងជញ្ជាំងផ្ទះ បណ្តាលឲ្យបែកក្បាលហូរឈាមរងរបួសធ្ងន់ ហេតុការណ៍នេះកើតឡើងកាលពីវេលាម៉ោង១និង១៥នាទីរំលងអាធ្រាត្រ ឈានចូលថ្ងៃទី៦ ខែមករា ឆ្នាំ២០១៨ តាមបណ្តោយផ្លូវ144 នៅចំណុចផ្ទះលេខ១២៩ ជាន់ទី៣ ស្ថិតនៅក្នុងសង្កាត់ផ្សារកណ្តាល២ ខណ្ឌដូនពេញ ។
ជនរងគ្រោះមានឈ្មោះស្រី លក្ខណ៍ ភេទស្រី អាយុ៣៤ឆ្នាំ ស្នាក់នៅម្តុំផ្សារចាស់ ខណ្ឌដូនពេញ បានឲ្យដឹងថា “មុនពេលកើតហេតុ មានជនជាតិបរទេសម្នាក់មិនស្គាល់អត្តសញ្ញាណ មានវ័យ៤៨ទៅ៤៩ឆ្នាំបានបបួលគាត់ទៅគេងជាមួយនៅផ្ទះរបស់គាត់ ជាន់ទី៣
ខណៈពេលឡើងទៅដល់ មិនទាន់នឹងមិនបានរួមរ័កជាមួយផង ក៏ស្រាប់តែជនជាតិបរទេសនោះ ចោទប្រកាន់ថា គាត់ជាអ្នកលួចលុយរបស់គេ ភ្លាមៗនោះដែលជនជាតិបរទេសខឹងបានចាប់ក្បាលបោកទៅនឹងជញ្ចាំងជាច្រើនដង បណ្តាលឲ្យស្ត្រីរងគ្រោះគាត់បែកក្បាលហូរឈាមស្រោចពេញខ្លួន ហើយស្រែកឲ្យអ្នកជិតខាងជួយ និងរត់ទៅយកសោដើម្បីចាក់ទ្វាររត់ចេញ ស្រាប់តែមានសមត្ថកិច្ចមូលដ្ឋានចុះមកអន្តរាគមន៍រំដោះយកស្ត្រីរងគ្រោះ ហើយហៅរថយន្តសង្គ្រោះដឹកយកទៅព្យាបាលនៅគ្លីនិកហុងហាក់ ចំណែកជនជាតិបរទេស មិនបានរត់ទៅណា ឬចាក់សោបិទទ្វារនោះទេ ។
ក្រោយពេលកើតហេតុ ជនរងគ្រោះបានទៅដាក់ពាក្យបណ្តឹងនៅអធិការដ្ឋាននគរបាល
ខណ្ឌដូនពេញ ដើម្បីឲ្យសមត្ថកិច្ចចាត់ការទៅតាមនីតិវិធី៕
