ផ្ទុះ​ភ្លើង​ប្រចណ្ឌ​​​ ! ​ចាក់​​សាំង​​ដុត​​គំរាម​ឆេះ​រលាក​ស្រី​ស្នេហ៍ និង​កូន​ស្រី​​

dgvdfs
ជនដៃដល់ មន្រ្ដីអាវុធហត្ថកំពុងសាកសួរនៅបញ្ជាការដ្ឋាន

ខេត្តកំពង់ឆ្នាំង៖ បុរសម្នាក់ ត្រូវកងកម្លាំងរាជអាវុធហត្ថខេត្ដ ចាប់ឃាត់ខ្លួន  បន្ទាប់ពីរូបគេបានចាក់សាំងដុតតូបលក់ឥវ៉ាន់បណ្តាលអោយឆេះរលាកខ្លួនស្រ្តីម្នាក់ដែលជាសង្សារលួចលាក់និងកូនស្រីអាយុ១០ឆ្នាំរបស់នាង។ ករណីខាងលើនេះបានកើតឡើងនៅម៉ោង៧យប់ថ្ងៃទី១១ ខែសីហា ឆ្នាំ២០១៦នៅក្នុងភូមិផ្សារ ឃុំផ្សារ ស្រុកបរិបូណ៌។

លោក លឹម ហាក់  នាយការិយាល័យព្រហ្មទ័ណ្ឌកងរាជអាវុថហត្ថខេត្តកំពង់ឆ្នាំងបានឲ្យដឹងថា៖ជនសង្ស័យខាងលើមានឈ្មោះ  សុខ រ៉ាម៉េត អាយុ៤៨ឆ្នាំ រស់នៅក្នុងភូមិឃុំកើតហេតុខាងលើ។ តាមចម្លើយសារភាពគេនិយាយថា  គេមានការអត់ចិត្តជាស ង្សាររបស់គេ ដោយមានការឈ្លោះប្រកែកគ្នាបន្តិចបន្តួចគេក៏បានយកសាំង១ដបចំណុះ១លីត្រដាក់លើដីក្នុងតូបលក់ឥវ៉ាន់របស់នាងៗឃើញក៏ប្រវាយប្រតប់គ្នា ពេលភ្លើងសាំងឆាបឆេះ ក៏ឆាបឆេះតូបនិងខ្លួននាងនិងកូននាងតែម្តង បណ្តាលអោយរបួសធ្ងន់ធ្ងរ ។

លោក លឹម ហាក់ បានអោយដឹងទៀតថា៖ ស្តី្ររងគ្រោះមានឈ្មោះ  លី សុគន្ធា អាយុ២៤ឆ្នាំ ឆេះរលាកខ្លួន៥០%  ចំណែកកូនស្រីនាងឈ្មោះ ម៉ៅ សុឡី អាយុ១០ឆ្នាំ ជាកូនប្តីដើម បានឆេះរលាកខ្លួនធ្ងន់ធ្ងរ  ឯតូបលក់វ៉ាន់បានឆេះអស់៨០%។

ក្រោយពេលកើតហេតុអ្នកស្រុកក្នុងភូមិបានជួយពន្លត់ភ្លើងឆេះតូបលក់ឥវ៉ាន់ ហើយក៏បាននាំគ្នាប្តឹងមន្ត្រីកងរាជអាវុធហត្ថស្រុកបរិបូណ៌ ចាប់ឃាត់ខ្លួនជនសង្ស័យកសាងសំ ណុំរឿងបញ្ជូនមកទីបញ្ជាការកងរាជអាវុធហត្ថខេត្តកំពង់ឆ្នាំងចាត់ការបន្ត បញ្ជូនខ្លួនទៅតុលាការខេត្ត។ ចំណែកជនរងគ្រោះត្រូវបានបញ្ជូនមកកាន់មន្ទីរពេទ្យខេត្តទាំងយប់ និងដោយរបួសធ្ងន់ធ្ងរ ត្រូវបានគ្រូពេទ្យខេត្តបញ្ជូនបន្តទៅពេទ្យទីក្រុងភ្នំពេញ។

តាមការស្រាវជ្រាវរបស់កងរាជអាវុធហត្ថនៅក្នុងមូលដ្ឋានបានអោយដឹងថា៖ ស្រី្តរងគ្រោះគឺជាសង្សារលួចលាក់របស់ជនសង្ស័យ រស់នៅជាមួយគ្នា និងលួចជួបគ្នាម្តងម្កាលហើយស្តី្ររងគ្រោះមានកូន២នាក់បានលែងលះប្តីដើមបាន២ឆ្នាំហើយដោយសារតែនាងមានសង្សារលួចលាក់ខាងលើនេះ។ ករណីខាងលើនេះគឺបណ្តាលមកពីជនសង័្សយប្រចណ្ឌ័ ចាក់សាំងដុតគំរាមតូប ពេលប្រវាយប្រតប់គ្នាភ្លើងសាំងផ្ទុះឆេះឡើង ក៏ឆេះខ្លួនជនរងគ្រោះម្តាយ និងកូនស្រីតែម្តងទៅ ៕ 

 សុក្រិត