បន្ទាយមានជ័យ ៖ មានករណីឃាតកម្មសម្លាប់ក្មេងស្រីញាត់ក្នុងការ៉ុងទុកចោលក្នុងបន្ទប់ជួល បានធ្វើឲ្យភ្ញាក់ផ្អើលកាលពីវេលាម៉ោង៤រសៀល ថ្ងៃទី៣០ ខែមីនា ឆ្នាំ២០១៨ នៅភូមិក្បាលស្ពាន សង្កាត់ក្បាលស្ពាន ក្រុងប៉ោយប៉ែត ដោយកុមារីរងគ្រោះឈ្មោះ ឈុន អ៊ី ហៅលីហ្សា អាយុ១២ឆ្នាំ ជាសិស្សសាលាឯកជនពន្លកខ្មែរ និងមានទីលំនៅភូមិសិលាខ្មែរ ឃុំអូរបីជាន់ ស្រុកអូរជ្រៅ ចំណែកជនសង្ស័យឈ្មោះសុខ ខឿនសយធី អាយុ១៦ឆ្នាំ ជាអ្នកភូមិសិលាខ្មែរ ឃុំអូរបីជាន់ ស្រុកអូរជ្រៅ ដែលមានផ្ទះឆ្ងាយពីផ្ទះជនរងគ្រោះប្រហែល៤ម៉ែត្រ។
បើលោកមេភូមិសិលាខ្មែរ បានប្រាប់ឱ្យដឹងថា ជនសង្ស័យសុខ ខឿនសយធី មានឪពុកជាគ្រូពេទ្យឯកជនម្នាក់ ឈ្មោះសាយសុខខឿន អាយុ៤៨ឆ្នាំ ដែលម្តាយស្លាប់ជាង3ឆ្នាំ ហើយក៏មានប្រពន្ធចុង ។ ហើយឪពុកជនសង្ស័យបានឱ្យជនសង្ស័យទៅរៀនផ្សំថ្នាំពេទ្យពីមិត្តភក្តិនៅក្រុងប៉ោយប៉ែត តែជណសង្ស័យមិនខំរៀនទេ ហើយទារឱពុកទិញម៉ូតូឱ្យ តែឪពុកមិនទិញឲ្យ ក៏ដើរហើរសេរីតាមមិត្តភក្តិរបស់គេ ។ ចំណែកក្មេងស្រីរងគ្រោះ មានឪពុកឈ្មោះស្រៀង កំសត់ អាយុ៤០ឆ្នាំ មានម្តាយឈ្មោះឡី ស្រី អាយុ៣៥ឆ្នាំ ។ ក្មេងស្រីរងគ្រោះជាកូនទី3 ក្នុងចំណោម4នាក់។
តាមប្រភពបានឲ្យដឹងថា នៅវេលាម៉ោង៤រសៀល មានករណីបាត់ក្មេងស្រីម្នាក់ ពេលនោះក្រុមគ្រួសារបានដាក់ពាក្យបណ្តឹងទៅកាន់កងរាជអាវុធអាវុធហត្ថខេត្តបន្ទាយមានជ័យ បន្ទាប់ពីទទួលបានពាក្យបណ្តឹងហើយ សមត្ថកិច្ចឆែកកាមេរ៉ាសុវត្ថិភាព បានស្វែងរកឃើញក្មេងស្រី តែអកុសលក្មេងស្រីរងគ្រោះនោះបានក្លាយជាសាកសពបាត់ទៅហើយ ដោយឃាតករបានស្លាប់ជ្រកក្នុងការ៉ុងទុកក្នុងបន្ទប់ជួល។
ភ្លាមៗបន្ទាប់ពីស្វែងរកឃើញក្មេងស្រីរងគ្រោះរួចហើយ សមត្ថកិច្ចបានទាក់ទងគ្រប់ច្រកល្ហក ចាប់បានជនសង្ស័យឈ្មោះសុខ ខឿនសយធី នៅម៉ោង៧យប់ថ្ងៃដដែល នៅបន្ទប់ជួលមួយកន្លែង ក្បែរខារ៉ាអូខេយីហោK1 ក្នុងភូមិក្បាលស្ពាន សង្កាត់ប៉ោយប៉ែត។
បច្ចុប្បន្នជនសង្ស័យត្រូវបានសមត្ថកិច្ចកំពុងសួរនាំ និងបញ្ជូនទៅតុលាការតាមនីតិវិធី៕
