ភ្នំពេញ ៖ បុរសជាប្តីម្នាក់នេះ ហេតុតែចង់ឱ្យប្រពន្ធរស់នៅស្រណុកស្រួល សុខចិត្តលំបាកតែឯង ចេញរត់ឡានឈ្នួលតាមខេត្តឆ្ងាយៗ ដោយទុកឱ្យប្រពន្ធនៅចាំផ្ទះ ដោយមិនចាំបាច់ធ្វើអ្វីទាំងអស់ ចំណែកលុយកាក់ដែលរកបាន តែងប្រគល់ឱ្យប្រពន្ធទុកដាក់ ចាយវាយពេញៗដៃ ស្រាប់តែប្រពន្ធរស់នៅឆ្ងាយប្តីយូរជូរមាត់ ក៏បែកគំនិតលួចទាក់ទងមានប្រុសសហាយ រហូតដល់ថ្លើមធំ ហ៊ាននាំប្រុសសហាយឡើងមករួមរ័ក មេត្រីដល់លើផ្ទះ ទីបំផុតបុរសជាប្តីតាមទាន់ឃើញច្បាស់នឹងភ្នែក ចំណែកប្រពន្ធបានត្រឹមទួញយំសំពះអង្វរសុំទោសប្តី។
ប្តីប្រពន្ធខាងលើនេះ មិនត្រូវបានស្គាល់ពីអត្តសញ្ញាណនោះទេ ប៉ុន្តែតាមអ្វីដែលស្តាប់ឮពីការជជែកវែកញែកគ្នា គឺបុរសជាប្តី មានរបរជាអ្នកបើករថយន្តឈ្នួលនៅតាមខេត្តឆ្ងាយៗ ចំណែកស្ត្រីជាប្រពន្ធ ត្រូវប្តីឱ្យនៅមើលការខុសត្រូវតែផ្ទះសម្បែងតែប៉ុណ្ណោះ។
យោងតាមវីដេអូឃ្លីបមួយ ដែលបង្ហោះចែកចាយដោយគណនីហ្វេសប៊ុកឈ្មោះ កំពង់ចាម កំពង់ចិត្ត កាលពីថ្ងៃទី០៦ ខែកក្កដា ឆ្នាំ២០១៨ បានបង្ហាញពីសកម្មភាពរបស់ស្ត្រីជាប្រពន្ធដែលកំពុងលួចលាក់សម្ងំរួមស្នេហ៍ជាមួយនឹងប្រុសសាហាយ និងត្រូវបានបុរសជាប្តី រួមនឹងសាច់ញាតិជាច្រើននាក់ បានតាមទាន់ឃើញផ្ទាល់នឹងភ្នែក។
នៅក្នុងឃ្លីបវីដេអូ រយៈពេល៧នាទី និង០៨វិនាទី គេឃើញបុរសជាប្តីបានស្តីបន្ទោសប្រពន្ធរបស់ខ្លួនថា “ខ្ញុំមិននឹកស្មានថា នាងជាមនុស្សថោកទាបដល់ថ្នាក់នេះសោះ ថ្លើមធំហ៊ានក្បត់ចិត្តប្តី ទៅនាំប្រុសមកដេក នាងឯងពិចារណាមើល មិនបាច់សុំទោសទេ អញទទួលយកមិនបានទេ ព្រោះខ្លួនប្រាណនាងឯងប្រឡាក់ស្អុយស្មោកគ្រោកទៅដោយ…គេបាត់ទៅហើយហ្នឹង នាងឯងហ្នឹងវាអត់មិនបានមែន? ថោកណាស់ ទោះគេស្រីខូច ក៏គេល្អគ្រាន់បើជាងនាងដែរ គេថាស៊ូយកស្រីខូចធ្វើប្រពន្ធ តែមិនយកប្រពន្ធធ្វើស្រីខូចទេ ស្រីខូចយកមកវាកែ តែមនុស្សល្អទៅខូច គ្មានអ្នកណាគេកែបានទេ រូបសម្បត្តិប៉ុណ្ណឹងដែរ មិនគួរណាធ្វើដល់ថ្នាក់ហ្នឹងសោះ…”។
ចំណែកស្ត្រីជាប្រពន្ធ បានត្រឹមខ្ទប់មុខយំ សំពះអង្វរប្តី ឱ្យលើកលែងទោសឱ្យនាង ហើយជាមួយនេះ នាងបានឆ្លើយសារភាពនៅ ចំពោះ មុខប្តីថា នាងធ្លាប់បានទាក់ទងជាមួយបុរសខាងលើ (ប្រុសសហាយ) តាមទូរស័ព្ទ និងធ្លាប់ប្រាប់គេតាមត្រង់ថា នាងមានប្តី មានកូនហៅ និងមិន អាច ចោលប្តីបានទេ ហើយកន្លងមកនាងធ្លាប់បានហៅបុរសម្នាក់នេះ មកដេកនៅក្នុងបន្ទប់ចំនួន២លើករួចមកហើយ។ ជាមួយនេះ ស្ត្រីជាប្រពន្ធបានលើកឡើងថា កន្លងមក នាងប្រាប់ប្តីហៅថា នាងចង់ទៅរស់នៅស្រុកជិតប្តីវិញដែរ តែប្តីមិនព្រម ទើបកើតមានរឿងបែបនេះឡើង៕