ឥណ្ឌូណេស៊ី៖ អ្នកនាំពាក្យកង ទ័ពជើងទឹកលោក Admiral Edi Sucipto បានឲ្យដឹងថាទូកមួយ គ្រឿងដែល មានផ្ទុក មនុស្សចំនួន ១៧នាក់ បានលិច ចូលទៅក្នុងសមុទ្រ នៃភាគខាងលិច ឥណ្ឌូណេស៊ី កាលពីថ្ងៃអាទិត្យ ដែលបណ្តាល ឲ្យមនុស្ស ១០នាក់បាន ស្លាប់បាត់បង់ជីវិត ហើយពីរនាក់ រងរបួស និងបាត់ខ្លួន ៥នាក់។
អ្នកនាំពាក្យខាងលើបាន បន្ថែមថា ឧប្បត្តិហេតុនេះ បានកើតឡើង បន្ទាប់ពីទូកនេះ បានចាកចេញពី កំពង់ផែមួយ ក្នុងទីក្រុង Tanjung Pinang ខេត្ត Riau គឺដោយសារតែ អាកាសធាតុមិន ល្អដែលនាំឲ្យ កើតមានគ្រោះ មហន្តរាយនេះ។
លោក Sucipto បានប្រាប់សារ ព័ត៌មានចិនស៊ីនហួរ តាមទូរស័ព្ទថា ទីបញ្ជាការកង ទ័ពជើង ទឹកភូមិភាគ ខាងលិច ឥណ្ឌូណេស៊ី បានរ៉ាប់រងក្នុងការ ជម្លៀសអ្នក រងគ្រោះក្រោយ ពីគ្រោះថ្នាក់ភ្លាមៗ។ ចំណែកអ្នកដំណើរពីរ នាក់គឺស្ថិត ក្នុងស្ថានភាព ធ្ងន់ធ្ងរនិងត្រូវបានបញ្ជូនឬផ្ទេរទៅកាន់មន្ទីរពេទ្យទ័ពជើងទឹកក្នុង ខេត្តនោះផ្ទាល់ តែម្តង។ បច្ចុប្បន្នក្រុមប្រតិបត្តិការ ស្រាវជ្រាវនិង ជួយសង្គ្រោះអ្នក ដំណើរដែល បាត់ខ្លួនកំពុង ចាប់ផ្តើមការងារ របស់ពួកគេ ដែលដឹកនាំដោយ បញ្ជាការកង ទ័ពជើងទឹក។
គួរបញ្ជាក់ថា ប្រជាជន២៥៥ លាននាក់របស់ឥណ្ឌូណេស៊ី កំពុងរស់នៅ បណ្តាកោះជាង១៧.០០០ហើយ ក៏ពឹងផ្អែក យ៉ាងលើសលុប លើទូកជាមធ្យោបាយសម្រាប់ ដឹកជញ្ជូនប៉ុន្តែ ប្រទេសនេះ មានតួលេខនៃ ភាពខ្សោយក្នុង បញ្ហាសុវត្ថិភាពដែនសមុទ្រ។