តារាចម្រៀងកែវ ច័ន្ទសម្ផស្ស ដែលធ្លាប់លេចឭថា មានទំនាក់ទំនងស្នេហាជាមួយថៅកែផលិតកម្មនាគមាស ហើយរត់ទៅរៀបការនៅជាយដែននោះ ពេលនេះ នាងមានស្វាមី និងកូនប្រុសដល់ទៅ២នាក់ទៅហើយ។
ការទម្លាយរូបប្តីនិងកូននៅពេលនេះ របស់នាងកែវ ច័ន្ទសម្ផស្ស ក្រោយពេលដែលរឿងអាស្រូវស្នេហានាងជាមួយលោកថៅកែផលិតកម្មត្រូវបានស្ងប់ស្ងាត់ទៅវិញ ហើយតារាកូន២រូបនេះ បានឃ្លាតឆ្ងាយពីការផ្សព្វផ្សាយរបស់សារព័ត៌មានជាច្រើនឆ្នាំមកហើយ ទើបធ្វើឱ្យនាងធ្លាក់កូដសឹងតែហៅលែងឮ ខណៈដែលកន្លកមក អំឡុងពេលដែលសម្ផស្ស ត្រូវបានគេចោទថា នាងមានស្នេហាជាមួយលោកថៅកែផលិតកម្មនាគមាស នោះ ទាំងនាងនិងម្តាយនាង មិនត្រូវការស្វាគមន៍អ្នកសារព័ត៌មាននោះទេ ដោយមានពេលខ្លះ ប្អូនស្រីនាងលើកទូរស័ព្ទជំនួស ហើយបញ្ចោញកំហឹងថា ចង់គប់ដុំថ្មដាក់អ្នកកាសែតទៀតផង។
យ៉ាងណា ពេលនេះ តាមព័ត៌មានថា នាងកែវ ច័ន្ទសម្ផស្ស មានស្វាមីមិនមែនជាលោកថៅកែផលិតកម្មនាគមាសឡើយ ហើយនៅពេលដែលសម្រាលបានកូនទី២នេះ សម្ផស្ស មិនសូវអើពើជាមួយអាជីពចម្រៀងដូចមុនទៀតទេ។
ថ្មីៗនេះដែរ នាងសម្ផស្ស ថែមទាំងថ្លែងសារអាណិតប្តីនាងថា មានការហត់នឿយខ្លាំងទៅ មើលថែទាំងមើលកូនទី២នោះទៀតផង។
តារាកូន២ រូបនេះ ថ្ងូរអាណិតប្តីវ័យចំណាស់ថា “ប៉ាៗ ចាប់ផ្តើមរអ៊ូថា កាលកូនទី១ ក៏ប៉ា ឥឡូវកូនទី២ ក៏ប៉ា ចឹងដល់កូនទី៣ ម៉ាក់ម្តងទៅ ប៉ាសុំពេលចូល KTV ខ្លះ”។
ក្រៅពីកែវ ច័ន្ទសម្ផស្ស តារាធ្លាក់កូដ ក្រោយមានប្តីហើយ មានដូចជា នាងឆោម ឆពុំ ជាដើម ដែលបាត់បង់ទីផ្សារសិល្បៈស្ទើរតែទាំងស្រុង៕
