ថៅកែផលិតកម្ម Galaxy លោកឧកញ៉ាឡេង ណាវ៉ាត់ត្រា បានទិញរថយន្ដទំនើប ម៉ាក Rolls Royce មួយគ្រឿង ដ៏ថ្មីសន្លាង ជូនភរិយារបស់លោកដែលទើបសម្រាលកូនប្រុសទី២ កាលពីពេលថ្មីៗនេះ។
នេះមិនមែនជាកាដូលើកទី១ឡើយ ដែលលោកឧកញ៉ាឡេង ណាវ៉ាត់ត្រា ជូនភរិយានោះ តែវាគឺជាកាដូលើកទី៥ហើយ ព្រោះមានកាដូធំ៤ផ្សេងទៀត ដែលលោកបានទិញជូនភរិយាមុននេះដែរ ដូចជា Lexus LX 570 ចំនួន២គ្រឿង, Landcruiser ១គ្រឿង, និងរថយន្ដ Porsche មួយគ្រឿងផងដែរ។
លោកឧកញ៉ាឡេង ណាវ៉ាត់ត្រា បានរៀបការជាមួយភរិយា ជិត៤ឆ្នាំមកហើយ ដែលពេលនេះទទួលបានចំណងដៃកូន២នាក់ កូនទី១ ជាកូនស្រី វ័យជាង២ឆ្នាំ និងកូនទី២ ជាកូនប្រុស ទើបសម្រាលកាលពីពេលថ្មីៗនេះ។
ឡេង ណាវ៉ាត់ត្រា អតីតពលករនៅកូរ៉េ ក្លាយជាឧកញ៉ានេះ បានដាក់ទុនរាប់លានដុល្លារ រកស៊ីផ្នែកអចលនទ្រព្យ ដោយសង់ផ្ទះល្វែងលក់ និងថ្មីៗនេះ លោកក៏បានងាកទៅចាប់ដៃជាមួយតារាចម្រៀងល្បីឈ្មោះ ២រូប របស់ផលិតកម្មរស្មីហង្សមាស គឺលោកព្រាប សុវត្ថិ និងខេមរៈ សិរីមន្ដ ផងដែរ ក្នុងការពុះដីឡូតិ៍លក់នៅខេត្តកំពង់ស្ពឺ ដោយដាក់ទុនរួមគ្នា ជាង១៥លានដុល្លារ លើគម្រោង៤ទីតាំងផ្សេងគ្នា៕
