ទឹកជំនន់ នៅភាគខាងជើង វៀតណាម ស្លាប់កម្មកររ៉ែ មាស៧នាក់

ព័ត៌មានទាន់ហេតុការណ៍

វៀតណាម៖ ប្រធានគណៈ កម្មការប្រជាជន ស្រុក Van Ban ខេត្ត Lao Cai លោក Do Van Duyb បានឲ្យ ដឹងនៅ ថ្ងៃពុធនេះថា យ៉ាងហោច ណាស់មាន កម្មការរ៉ែមាស ចំនួន៧នាក់បាន ស្លាប់បាត់បង់ ជីវិតក្នុងខេត្តភាគ ខាងជើងរបស់ ប្រទេសវៀតណាម Lao Cai ដោយសារគ្រោះ ទឹកជំនន់ដែល កើតឡើងមកពី ព្យុះទីហ្វុង Dianmu ។

ទីភ្នាក់ងារព័ត៌ មានរដ្ឋរបស់ វៀតណាម VNA បានរាយការណ៍ថា យោងតាម លោក Duy កម្មកររ៉ែមាស ទាំងអស់នោះគឺ កម្មករនិ យោជិត របស់ក្រុម ហ៊ុនរុករករ៉ែមាស មួយក្នុងស្រុក។កាលពី ព្រឹកថ្ងៃ ច័ន្ទមានកម្មករ អណ្តូងរ៉ែ ពីរនាក់ ត្រូវបានគេ អះអាងថាបាន ស្លាប់បាត់បង់ជីវិតខណៈ ៥នាក់ផ្សេងទៀត បានស្លាប់ នៅថ្ងៃពុធនេះ។

ចំណែកលោក Pham Van Thang លេខាធិការ គណៈកម្មការ បក្សស្រុក Van Ban បានថ្លែង ថាមានកម្មករ អណ្តូងរ៉ែមាស ជាច្រើននាក់បានចូលបម្រើការ ដោយសេរីនិង មិនបានចុះ បញ្ជីជាមួយ និងអាជ្ញាធរ ក្នុងស្រុកនោះឡើយ ហេតុដូច្នេះ ហើយលោក មិនមាន ព័ត៌មានពាក់ព័ន្ធនិង ពួកគេឡើយ។

ពាក់ព័ន្ធនិងបម្រែ បម្រួលអាកាស ធាតុនេះ គណៈ កម្មការ កណ្តាល របស់ ប្រទេសវៀតណាម ដែលមាន សមត្ថកិច្ច បង្ការការ ពារនិងគ្រប់គ្រង គ្រោះទឹកជំនន់ បានឲ្យដឹងថា នៅក្នុងរបាយការណ៍ ចុងក្រោយរបស់ ខ្លួនបញ្ជាក់ថា ទឹកជំនន់ វាយប្រហារ នៅខេត្ត Yen Bai បានស្លាប់ មនុស្ស២នាក់ និងខេត្ត Bac Giang ស្លាប់៣នាក់។

ទន្ទឹមនិងនេះ ខេត្តភាគខាង ជើង Son La , Lao Cai, Hoa Binh និងខេត្ត ភាគកណ្តាល Nghe An គឺក្នុងមួយ ខេត្តៗមាន អ្នកស្លាប់ម្នាក់។

សរុបមកមាន ប្រជាជន១៦នាក់ បានសម្លាប់បាត់បង់ ជីវិតដោយសារតែព្យុះទីហ្វុង Dianmu ក្នុងប្រទេស វៀតណាម ដែល វាយប្រហារកាលពីរសៀល ថ្ងៃសុក្រ សប្តាហ៍មុន។ លើសពីនេះ មានមនុស្ស ពីរនាក់ នៅតែបាត់ខ្លួន នៅឡើយខណៈ ១៥នាក់ រងរបួស។

ប្រែសម្រួលដោយ៖ អុីវ វិចិត្រា