យោងតាមការបង្ហោះនៅលើទំព័រហ្វេសប៊ុកផ្លូវការរបស់ក្លិប Fujieda MYFC កាលពីប៉ុន្នានថ្ងៃមុនបានឲ្យដឹងថា ខ្សែប្រយុទ្ធជំនាញជើងឆ្វេង ចាន់ វឌ្ឍនាកា នឹងអាចបង្ហាញខ្លួន សម្រាប់ប្រកួតដំបូងរបស់ខ្លួនក្នុងលីគលំដាប់ទី៣ របស់ជប៉ុន ។
ចាន់ វឌ្ឍនាកា បានប្រាប់ក្រុមការងារយើងថា ការបង្ហាញខ្លួននេះ នៅមិនទាន់ដឹងថា រូបគេស្ថិតក្នុងជម្រើស ១១នាក់ដំបូង ឬជាកីឡាករបម្រុងនៅឡើយទេ រង់ចាំដល់ថ្ងៃប្រកួតសិន ទើបដឹង។
ចាន់ វឌ្ឍនាកា បន្តថា៖ ក្រោយបានទទួលដំណឹងនេះភា្លម រូបគេពិតជាមានអារម្មណ៏រីករាយយ៉ាងខ្លាំង និងបានត្រៀមខ្លួនរួចជាស្រេច ដើម្បីបង្ហាញនូវទម្រង់លេងដ៏ល្អ សម្រាប់ក្រុម និងអ្នកគាំទ្រគ្រប់គ្នា នៅប្រទេសជប៉ុន និងប្រទេសកម្ពុជាផងដែរ។
ការប្រកួតរវាង Fujieda MYFC ជាមួយនឹង S.C. Sagamihara ធ្វើឡើងនៅថ្ងៃទី ២២ ខែតុលា វេលាម៉ោង ១១ព្រឹក (ម៉ោងនៅកម្ពុជា) នៅកីឡដ្ឋាន Ecopa Stadium ៕