បទចម្រៀងកញ្ញាតន់ ចន្ទសីម៉ា មានចំនួនទស្សនា (Views) ច្រើនជាងគេបំផុត សឹងតែមិនគួរឲ្យជឿ ព្រោះតារាចម្រៀងវ័យក្មេង តន់ ច័ន្ទសីម៉ា ប្រើពេលមិនដល់១ឆ្នាំ វ៉ាដាច់គេទាំងអស់។ នេះបើតាមបង្ហាញឲ្យដឹងមុននេះបន្តិច លើផេកផ្លូវការរបស់ផលិតកម្មGalaxy Navatra។
ប្រជាប្រិយភាពពិតរបស់តារាចម្រៀង គឺស្ថិតនៅលើសមត្ថភាព ការតស៊ូ ការព្យាយាម និងអត្តចរិតល្អនៅក្នុងការងារ ដែលបង្ហាញច្បាស់នៅយុគសម័យថ្មីនេះ ។
ផ្អែកលើផេកផ្លូវការរបស់ផលិតកម្ម Galaxy Navatra អាចនិយាយបានថា តន់ ច័ន្ទសីម៉ា គឺជាតារាចម្រៀងជើងខ្លាំងវ័យក្មេងម្នាក់ ដែលមានអ្នកទស្សនាច្រើនជាងគេនៅកម្ពុជា ក្នុងឆ្នាំ២០២០នេះ មានចំនួនសរុបរហូតដល់ទៅ441លានដងឯណោះ ។
អ្នកគាំទ្ រក៏ដូចជាអ្នកសិល្បៈទាំងអស់កំពុងតែចាំមើលថា តើអាចមានតារាចម្រៀងណា ដែលអាចដណ្ដើមតំណែងតន់ ច័ន្ទសីម៉ា បានឬអត់ក្នុងទសវត្សថ្មីនេះ? ខណៈដែលលបទចម្រៀងថ្មីៗរបស់សីម៉ា ចេញមកសុទ្ធតែមានការនិយមពីទស្សនិកជន។
តន់ ច័ន្ទសីម៉ា ត្រូវបានគេមើលឃើញថា គឺជាតារាចម្រៀងមិនចេះប្រកាន់ ទោះបីបទចម្រៀងនោះក្រុមហ៊ុនតម្រូវឲ្យច្រៀងក្រោយតារាចម្រៀងប្រុសក៏ដោយ ក្នុងនោះបទចម្រៀងទាំងអស់សុទ្ធតែទទួលបានការគាំទ្រយ៉ាងខ្លាំង។ បច្ចុប្បន្ននាងស្ទើរតែគ្មានពេលសម្រាប់ខ្លួនឯង ដោយតារាចម្រៀងស្រីល្បីឈ្មោះរូបនេះ បានធ្វើការងារស្ទើរតែទាំងស្រុងជាមួយផលិតកម្ម Galaxy Navatra ។
ពិតជាគួរឲ្យស្ងើចសរសើរនឹងការខិតខំប្រឹងប្រែងតស៊ូរបស់នាងណាស់ ដែលត្រឹមតែរៈពេលខ្លីសោះ តែសីម៉ា ក្លាយទៅជាតារាចម្រៀងវ័យក្មេងដែលមានការគាំទ្រច្រើនបែបនេះ៕
