អ្នកចម្រៀងលោកប៉ុន សុណារិន ហៅខេម បានទៅដើរលេងនៅប្រទេសបារាំង.,អាឡឺម៉ង់ និងស្វីសសរុបរយៈពេលជាង២ខែទើបតារាចម្រៀងសំនៀងស្អករូបនេះប្រកាសថានឹងចូលស្រុកវិញនៅថ្ងៃទី៤ខែតុលាខាងមុខនេះ។ដំណើរកមន្សាន្ដនៅបរទេសរវាងខេម និងគូស្នេហ៍លោកអ្នកនាងស្រីកា នេះមិនមែនជាលើកទី១នោះទេ
ប៉ុន្ដែជារៀងរាល់ឆ្នាំខេម តែងតែដឹកដៃកំពូលស្នេហ៍ទៅដើរលេងនៅបារាំងនិងបង្ហួសទៅប្រទេសជិតខាងម្ដងដែលជូនកាលមានរយៈពេលជាង១ខែតែដោយសារឆ្នាំនេះខេម ទំនេរច្រើនពីការងារសិល្បៈទើបតារាGalaxyនាំគូស្នេហ៍ទៅសាសងនិងចងអនុស្សាវរីយ៍ឲ្យកាន់តែរឹងមាំដល់ទៅជាង២ខែហើយគេជឿរថាចំណងស្នេហាជាង៥ឆ្នាំនេះខេម និងស្រីកា ប្រាកដជាស្វែងយល់ចិត្តគ្នាបានច្រើនថែមទៀតជាមិនខាន ខណៈដែលមុននេះខេម ក៍បានបង្ហាញសញ្ញាមានកូនប្រុសម្នាក់អាយុ២ឆ្នាំផងដែរព្រោះតែក្មេងនោះមានមុខមាត់ស្រដៀងលោកសុណារិន ហើយត្រូវបានតារាសំនៀងស្អករូបនេះបញ្ចេញនៅថ្ងៃខួបកំណើត។
គូរបញ្ជាក់ថាខេម បានបានដឹកដៃអ្នកនាងកា ទៅបារាំងកាលពីថ្ងៃទី២០ខែកក្កដាឆ្នាំ២០២១ ហើយកាលពីរាត្រីថ្ងៃទី២៨កញ្ញា លោកក៍បាននាំភរិយាទៅទស្សនាការប្រកួតបាល់ទាត់ផ្ទាល់រវាងក្រុមម្ចាស់ផ្ទះParis Saint –Germain ជាមួយក្រុមManchester City ក្នុងក្របខណ្ឌChampions League នៅពហុកីឡាដ្ឋានParc des Prince ផងដែរទើបនាំឲ្យខេម និងប្រពន្ធកាន់តែរីករាយមុនហោះមកស្រុកវិញនេះ។
ប៉ុន្ដែគេកត់សម្គាល់ថាអំឡុងពេលដែលខេម សប្បាយម៉ាអស់ដៃនៅអ៊ឺរ៉ុបនេះសម្រាប់អាជីពសិល្បៈវិញឆ្នាំនេះលោកគ្មានបទប្រពៃណីក្នុងពិធីភ្ជុំបិណ្ឌនោះទេដែលដូចគ្នាទៅនិងតារារួមដំបូលGalaxyលោកព្រាប សុវត្ថិ និងតន់ ច័ន្ទសីម៉ា ដែរ។យ៉ាងណាតាមព័តមានថាទោះជាខេម ទៅដើរលេងនៅក្រៅស្រុកប៉ុន្មានខែក៍លោកនៅតែទទួលបានប្រាក់ខែជាប្រចាំនៅGalaxyជាធម្មតាដែរតាមរយៈកិច្ចសន្យាចុះកុងត្រានោះ។
ខេម ធ្លាប់ប្រាប់អ្នកយកព័តមានយើងថាលោកគ្មានបំណងទៅរស់នៅប្រទេសបារាំងតាមគូស្នេហ៍ជាអចិនត្រេយ៍នោះទេហើយសង្សារលោកបានមកស្រុកខ្មែរជាច្រើនឆ្នាំហើយអីចឹងទៅបារាំងគ្រាន់តែជាតំណើរកម្សាន្ដប៉ុណ្ណោះ។ដោយឡែកទាក់ទងរឿងរៀបការវិញថៅកែហាងផឹកស៊ីT&Yរូបនេះថាមិនទាន់អាចកំណត់ពេលវេលាច្បាស់លាស់បានឡើយ៕
