មាស សុខសោភា បានចាត់ទុកថ្ងៃទី៣ខែកញ្ញាជាថ្ងៃខួបកំណើតរបស់នាងទើបធ្វើឲ្យFanរបស់តារារាម ចង់វិលក្បុងព្រោះតែកន្លងមកគេដឹងថាសុខសោភា តែងតែប្រារពខួបកំណើតនៅថ្ងៃទី២៨ខែកុម្ភៈ ឯណ្ណោះទេដែលទោះជាឆ្នាំនេះនៅលើបណ្ដាញសង្គមដាក់ថានាងទើបមានអាយុ៣៦ឆ្នាំក្ដី តែសោភា ធ្លាប់ប្រាប់អ្នកយកព័តមានយើងតាំងពីឆ្នាំ២០១៨ ថាខួបឆ្នាំនោះនាងមានអាយុ៣៩ឆ្នាំទៅហើយ ហេតុនេះឆ្នាំ២០២១ នេះ សុខសោភា ឈានចូលវ័យ៤១ឆ្នាំ។ទោះជាយ៉ាងណាការអះអាងថាថ្ងៃទី៣កញ្ញា ជាថ្ងៃខួបនាងដែរមិនត្រឹមតែធ្វើឲ្យអ្នកគាំទ្រអ្នកចម្រៀងរាម រូបនេះច្របូកច្របល់នោះទេ ប៉ុន្ដែថៅកែស្រីរាម ក៍លាន់មាត់ថា១ឆ្នាំខួប២ដងគឺមានតែគាត់(សោភា)ហ្នឹងហើយ…។
ថ្វីត្បិតមាស សុខសោភា វាចារថាខួបនាងនៅថ្ងៃទី៣ខែកញ្ញា មែនតែតាមព័តមានថាថ្ងៃនោះជាថ្ងៃដែលនាងសម្ពោធហាងរក្សារសម្រស់និងចេញរកស៊ីជាលើកដំបូងកាលពីឆ្នាំ២០២០ទើបនាងបានចាត់ទុកដូចជាថ្ងៃខួបកំណើតរបស់នាងដែរ ឬអាចនិយាយបានថាពេលនេះសោភា បានក្លាយទៅជាថៅកែស្រីរយៈពេល១ឆ្នាំគត់ដែលនាងបង្កើតមុខរបរដោយខ្លួនឯងក្រៅពីអាជីពសិល្បៈ។
ប៉ុន្ដែបច្ចុប្បន្នសុខសោភា មិនមែនមានតែហាងរក្សារសម្រស់មួយនោះទេគឺនាងមានហាងកាហ្វេនៅក្រុងកំពង់សោមមុនបើកហាងលក់ផលិតផលរក្សារសម្រស់ទៅទៀត។នេះជាការបោះជំហ៊ានថ្មីរបស់សុខសោភា ទាំងការប្ដូរផលិតកម្មច្រៀងនិងការក្លាយខ្លួនទៅជាអ្នកជំនួញផ្ទាល់ខ្លួន ខណៈដែលសោភា ក៍ជាតារាដែលមានផលិតកម្មផ្ទាល់ខ្លួនផងដែរគឺCamtrax Music ដំណើរការជាច្រើនឆ្នាំ។យ៉ាងណាការចូលរាម គឺជាទ្រនុំមួយដែលសុខសោភា ជ្រើសបន្ទាប់ពីនាងដើរចេញពីថោន ហើយផាត់ចោលហង្សមាសនិងGalaxy។
ក្រៅពីមាស សុខសោភា តារាដែលបង្កើតមុខរបរក្រៅពីសិល្បៈនៅរដូវកូវីដនេះមានដូចជាឱក សុគន្ធកញ្ញា ,សុខ ពិសី ,ពេជ្រ សោភា និងខាត់ សុឃីម ជាដើមដែលអ្នកចម្រៀងល្បីៗខាងលើនេះបាត់ប្រាក់ចំណូលពីអាជីពសិល្បៈស្ទើតែទាំងស្រុងនៅ២ឆ្នាំចុងក្រោយនេះព្រោះតែកូវីដ។
ចំពោះសុខសសោភា វិញទោះជាពេលនេះនាងមិនទាន់មានបទចម្រៀងផ្ទុះនៅរាម មែនប៉ុន្ដែនាងរក្សារប្រាក់ចំណូលបានជាប្រចាំថ្ងៃតាមរយៈការលក់ផលិតផល និងកាហ្វេ ខណៈដែលស្វាមីនាងលោកអ៊ឹត រ៉ាដា និងបងប្រុសនាងមាស សុខរតនៈ ដែលកំពុងកាន់ផលិតកម្មCamtraxនោះអ្នកទាំង២រងចាំជួយសោភា ជាបន្ទាន់ប្រសិនបើចូលនៅរាម ក្នុងការកុងត្រា១ឆ្នាំនេះនាងនៅតែគ្មានបទផ្ទុះហើយប្រឈមធ្លាក់ចុះវិញនោះ៕
