ភ្នំពេញ៖លោកករុណា ពេជ្រ បានចាត់ទុកថាជាមហាកិត្តិយសសម្រាប់គ្រួសាររបស់លោកដែលកាលពីថ្ងៃទី១៥ខែតុលាឆ្នាំ២០២១សម្ដេចនាយករដ្ឋមន្រ្ដីហ៊ុន សែន បានផ្ញើរសាររំលែកទុក្ខចំពោះមរណភាពរបស់ឪពុកលោកឧកបាសកម៉ុក សាខន អាយុ៧៥ឆ្នាំកាលពីថ្ងៃទី១៤ខែតុលាឆ្នាំ២០២១។លោកម៉ុក ករុណា ហៅករុណា ពេជ្រ ចាត់ទុកថាដួងព្រលឹងរបស់ឪពុកលោកញញឹមទទួលបានក្ដីមោទនភាពជាមិនខានតាមរយៈការផ្ដល់កិត្តិយសដ៍ធំធេងពីសំណាក់លោកនាយករដ្ឋមន្រ្ដី។
ជាមួយគ្នានេះដែរនៅព្រឹកថ្ងៃទី១៨ខែតុលាឆ្នាំ២០២១នេះដែរលោកករុណា ពេជ្រ ក៍បានលើកម្រាបដៃដប់ថ្លែងអំណរគុណចំពោះ សម្ដេចគិតព្រឹទ្ធបណ្ឌិតប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលបានផ្ដល់កិត្តិយស ចូលរួមរំលែកទុក្ខ និងចូល ជាបច្ច័យ ជាមួយបុណ្យសពប៉ារបស់លោក។លោកថានេះជាមហាកិត្តិយស មួយទៀតសម្រាប់គ្រួសារលោក ហើយសង្ឃឹមថា ដួងវិញ្ញាណខ័ន្ធរបស់ប៉ាលោកកំពុងញញឹមទទួលមហាកិត្តិយសនេះ ហើយប៉ារបស់លោកនឹងបានទៅកាន់ឋានសុខដោយ ស្ងប់ចិត្ត។ដោយឡែកនៅថ្ងៃទី១៨ខែតុលាឆ្នាំ២០២១នេះដែរគេឃើញឯកឧត្តមហ៊ុន ម៉ានី ក៍បានផ្ញើររំលែកទុក្ខចំពោះលោក ករុណា ពេជ្រ ចំពោះការបាត់បង់ឪពុកជាទីស្រលាញ់និងគោរពបំផុតនេះដែរ ហើយតារាចម្រៀងថោនរូបនេះគ្មានអ្វីក្រៅពីលើកម្រាមដៃដប់ថ្លៃងអំណរគុណចំពោះប្រមុខរាជរដ្ឋាភិបាលក៍ដូចជាអ្នកសិល្បករនិងមិត្តភក្ដិរបស់លោកទាំងអស់ដែលបានចូលរួមរំលែកទុក្ខលោកជាបន្ដបន្ទាប់មកនេះ។
សូមបញ្ជាក់ថាលោកម៉ុក សាខន ជាឪពុកលោកករុណា ពេជ្រ បានធ្លាក់ខ្លួនឈឺជំងឺលើសឈាមនិងដាច់សសៃក្នុងខួក្បាលធ្វើឲ្យលោកក្លាយទៅជាមនុស្សរុក្ខជាតិហើយលោកករុណា ពេជ្រ បានព្យាបាលឪពុកដោយយកចិត្តទុកដាក់រយៈពេលជាង៣ឆ្នាំមកហើយដោយចំណាយថវិការអស់ជាង២០ម៉ឺនដុល្លារ។ប៉ុន្ដែនៅថ្ងៃទី១៤ខែតុលាឆ្នាំ២០២១លោកម៉ុក សាខន ក៍ទទួលមរណភាពធ្វើឲ្យលោកករុណា ពេជ្រ រន្ទត់ចិត្តជាខ្លាំងព្រោះលោកជាទោលក្នុងគ្រួសារហើយគិតថានឹងតែលតោលក្រោយពីអត់ពីឪពុក។លោកកុរណា ពេជ្រ បានកោសក់សាងផ្នួសសងគុណឪពុករយៈពេល២៤ម៉ោងហើយក្រោយពេលធ្វើបុណ្យជូនឪពុកនៅផ្ទះវីឡាររបស់នៅខណ្ឌសែនសុខ រាជធានីភ្នំពេញ រួចនោះនៅព្រឹកថ្ងៃទី១៨ខែតុលានេះសពលោកម៉ុក សាខន ក៍បានបញ្ជួនទៅបញ្ចុះនៅម៉ុងដែលលោកករុណា ពេជ្រ បានធ្វើរួចជាស្រេចតាំងពីឪពុកលោកនៅមានជីវិតនោះគឺនៅស្រុកកំណើតរបស់លោកភូមិខ្សាច់ស ឃុំរក្សជ័យ ស្រុកបាភ្នំខេត្តព្រៃវែង។ដោយឡែកកម្មវិធីបុណ្យ៧ថ្ងៃនឹងប្រារពនៅថ្ងៃទី១៩ខែតុលាឆ្នាំ២០២១ នៅផ្ទះលេខ៤៩៣ ភូមិក្រាំងអង្រ្កង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ៕