ភ្នំពេញ៖មាស សុខសោភា បានភ្ជាប់ស្នេហ៍ឆ្លងទ្វីពអស់រយៈពេលជាង១៤ឆ្នាំ(២០០៧-២០២១)ជាមួយអាណិកជនខ្មែរមកពីកាណាដាលោកអ៊ឹត រ៉ាដា តែអ្នកទាំង២នៅមិនទាន់មានកូន១គ្រាប់ជាមួយគ្នាឡើយ។យ៉ាងណាសោភា ធ្លាប់សារភាពប្រាប់អ្នកយកព័តមានយើងថានាងពិតជាមានការបារម្ភមែនព្រោះអាយុកាន់តែច្រើនហើយប្រឈមនឹងការពិបាកយកកូននាពេលខាងមុខ។ការខ្លាចអត់កូនរបស់សុខសោភា ព្រោះតែនាងពន្យាជាង១០ឆ្នាំធ្វើឲ្យមានការលើកឡើងថាចុះហេតុអីបានជាសោភា មិនព្រមយកកូនមុនរៀបការដូចតារាមួយចំនួនទៀតដែរទៅ?ប៉ុន្ដែសុខសោភា មិនជ្រើសផ្លូវមួយនេះទេព្រោះថាការមិនទាន់បានរៀបការមានខាន់ស្លាត្រឹមត្រូវតាមប្រពៃណីខ្មែរនោះវាធ្វើឲ្យនាងធ្លាប់រងការរិះគន់ស្ទើគ្រប់ទិសទីទៅហើយ ហេតុនេះការពពោះមុនរៀបការនឹងរឹតតែជាការដាក់បន្ទុកដល់រូបនាងថែមទៀតជាមិនខាន។តែការមិនព្រមយកកូនង៉ានេះសោភា នឹងធ្វើឲ្យម្ដាយដែលចង់បានចៅពនោះកាន់តែខកចិត្តថែមទៀត។
មាស សុខសោភា ធ្លាប់និយាយប្រាប់អ្នកយកព័តមានយើងដោយផ្ដល់ចម្លើយខុសៗគ្នាទាក់ទងរឿងរៀបការនេះម្ដងថានាងអាចនឹងធ្វើឲ្យអ្នកគាំទ្រភ្ញាក់ផ្អើល(រៀបការ)នៅឆ្នាំ២០២១ ,តែពេលខ្លះនាងវាចារថាមិនដែលចង់រៀបការជាចំហម្ដងណាឡើយ និងជូនកាលថា២ទៅ៣ឆ្នាំទៀតទើបនាងគិតគូរឿងមួយនេះ។មានការសន្និដ្ឋានថាការអូសក្រឡាររឿងរៀបការអស់ជាង១០ឆ្នាំនេះដោយសារតែសុខសោភា ខ្លាចមានប្ដីទៅច្រៀងលែងឡើងការងារសិល្បៈបាក់ស្រុតចុះទើបនាងមិនអាចកំណត់ពេលវេលានៃការរៀបមង្គលការឲ្យបានច្បាស់លាស់។តែសោភា ធ្លាប់ប្រាប់ថានោះមិនមែនជាហេតុផលធំនោះទេ ។នាងថារាល់ថ្ងៃនេះពីណាក៍ដឹងថានាងកំពុងតែរស់នៅជាមួយអ្នកណាដែរ តែរឿងដែលនាងនាងមិនទាន់រៀបការនៅខ្មែរនេះព្រោះតែកាលពីឆ្នាំ២០០៨ នាងធ្លាប់បានរៀបការម្ដងរួចទៅហើយតាមបែបសាសនាគ្រិស្ដដោយធ្វើនៅព្រះវិហារមួយនៅកាណាដាហើយនាងនិងគូស្នេហ៍បានបំពាក់ជញ្ជៀនឲ្យគ្នាទៅវិញទៅមក។
ថ្វីត្បិតតែមាស សុខសោភា ដែលរារែកចិត្តរឿងរៀបការហើយបានលុបចោលអស់២លើកគឺកាលពីឆ្នាំ២០០៩ និងឆ្នាំ២០២១នេះក្ដី ប៉ុន្ដែគេជឿរថានៅឆ្នាំ២០២២ អាចជាពេលវេលាដ៍សមស្របមួយសម្រាប់មាស សុខសោភា បើសិនកូវីដកាន់តែថមថយនោះសោភា នឹងប្ដូរចិត្តពីខ្លាចរោងការមកជាតុបតែងខ្លួនធ្វើជាកូនក្រមុំជាចំហជាមិនខានឡើយ។ការលើកឡើងបែបនេះដោយសារតែសុខសោភា ឃើញមិត្តរួមអាជីពដូចជាសុគន្ធ និសា ,ឱក សុគន្ធកញ្ញា និងសួស វីសា ជាដើមពួកគេបានរៀបការតាមប្រពៃណីខ្មែរត្រឹមត្រូវអស់ទៅហើយដោយមិនខ្លាចធ្លាក់ចុះខ្សោយក្នុងអាជីពចម្រៀងនោះទេ។ចំពោះមាស សុខសោភា វិញនាងពិតជានារីមិនធម្មតានោះទេព្រោះធ្វើឲ្យគូស្នេហ៍របស់នាងលោកអ៊ឹត រ៉ាដា បានបោះបង់អាជីពជាគ្រូពេទ្យនៅកាណាដា មករស់នៅតាមនាងដល់ស្រុកខ្មែរជាច្រើនឆ្នាំហើយពួកគេបានបង្កើតមុខរបរផ្ទាល់ខ្លួនដល់ទៅ២ព្រមគ្នានៅរដូវកូវីដនេះនោះគឺហាងលក់ផលិតផលនៅក្រុងតាខ្មៅ និងហាងកាហ្វេនៅក្រុងព្រះសីហនុដែលការធ្វើជំនួញនេះបញ្ជាក់ថាសុខសោភា គ្មានបំណងទៅរស់នៅកាណាដាដូចផែនការណ៍កាលពីឆ្នាំ២០១១មុនពេលដែលនាងចូលថោន នោះឡើយ។
ទោះជាមាស សុខសោភា មិនហ៊ានយកកូនមុនរៀបការមែនប៉ុន្ដែតារាដែលជ្រើសផ្លូវយកកូនមុនរៀបអាពាហ៍ពិពាហ៍មានដូចជាអ្នកនាងយុគ ចិន្ដា,ខាត់ សុឃីម,ឡោម លក្ខិណា,សុន ស្រីពេជ្រ,ផាត់ ផាន់ណា,នៅ សុនិតា ,ឌុច លីដា និងកែវ ពេជ្រពិសី ជាដើមហើយពេលនេះពួកគេរស់នៅយ៉ាងមានសុភមង្គល។ដោយឡែកសម្រាប់មាស សុខសោភា វិញពេលនេះនាងមានជីវភាពធូធាររស់នៅផ្ទះវីឡារ និងជិះរថយន្ដថ្លៃៗដូចជាLand CruiserV8 និងJeep Rubicon ជាដើមដែលបញ្ជាក់បានថានាងមានអ្វីៗគ្រប់យ៉ាងដែលប៉ងពីមុនទៅហើយ។ប៉ុន្ដែរឿងដែលតារារាម មិនទាន់អាចធ្វើបាននោះគឺការបញ្ចប់ពាក្យគេរិះគន់ថានាងសាងស្នេហ៍ឥតខាន់ស្លា ហេតុនេះហើយគេជឿរថាសោភា នឹងមិនឆាចោលមង្គលការជាលើកទី៣ដែលអាចធ្វើនៅឆ្នាំ២០២២ខាងមុខនេះឡើយ៕
