ជាទូទៅ គ្រប់អាហារដែលទទួលទានតិច ឬច្រើន សុទ្ធតែជះឥទ្ធិពលលើផ្នែកផ្សេងៗរបស់រាងកាយ។ ចំណែកអាហារដែលពុំគួរទទួលទានមុនពេលគេងមាន…
១-គ្រឿងស្រវឹង ៖
ការផឹកស្រាមុនពេលចូលគេង អាចនាំឱ្យងងុយគេង។ ប៉ុន្តែ បើផឹកច្រើនហួសកម្រិត អាចបណ្តាលឱ្យគេងមិនស្កប់។ ទីបំផុត នាំឱ្យឈឺក្បាល ធេងធោងនៅថ្ងៃស្អែក។
២-អាហារមានរសជាតិហឹរ ៖
អាហារហឹរ អាចនាំឱ្យលោកអ្នកប្រឈមនឹងបញ្ហាក្រពះមិនរំលាយអាហារ ព្រោះសារធាតុហឹរ ប៉ះពាល់ដល់ដំណេក ដោយវាបង្កឱ្យមានការផ្លាស់ប្តូរសីតុណ្ហភាពរាងកាយ។
៣-អាហារសម្បូរខ្លាញ់ ៖
អាហារដែលមានខ្លាញ់ច្រើន អាចបណ្តាលឱ្យក្រពះធ្វើការខ្លាំង ដើម្បីរំលាយ នាំឱ្យការផលិតអាស៊ីដ ក៏ត្រូវបង្កើន ហើយច្រាល់មកលើ បណ្តាលឱ្យឈឺចុកឆ្អល់ចុងដង្ហើម។ ដូច្នេះ មុនពេលចូលគេង គួរចៀសវាង Hamburger, Fast Food និងការ៉េម ជាដើម។
៤-កាហ្វេ ៖
សារធាតុកាហ្វេអ៊ីនក្នុងកាហ្វេ ត្រូវគេដឹងថា អាចរំខានដល់ដំណេក។ បើផឹកកាហ្វេច្រើន អាចបណ្តាលឱ្យគេងមិនលក់ ព្រោះកាហ្វេអ៊ីន មានប្រសិទ្ធភាពក្នុងប្រព័ន្ធរាងកាយមនុស្ស រហូតដល់១០ម៉ោង ក្រោយផឹកចូល។
៥-ឈីស ៖
ឈីស (ឬហ្វ្រូម៉ា) ដុំរឹង និងសាច់កែច្នៃ ផ្ទុកសារធាតុអាស៊ីដ អាមីណូតេរ៉ាមីន កម្រិតខ្ពស់។ សារធាតុនេះអាចជំរុញឱ្យខួរក្បាលបញ្ចោញសារធាតុគីមីមួយប្រភេទ ដែលបន្ទាប់មក ធ្វើឱ្យរឹងភ្នែកគេងមិនលក់៕