មន្ត្រីចារកម្មអាមេរិកបានកំណត់ថា ផែនការរបស់រុស្ស៊ីសម្រាប់ការវាយលុកដោយយោធា ប្រឆាំងនឹងអ៊ុយក្រែន ដែលអាចចាប់ ផ្តើមនៅដើមឆ្នាំ 2022 ខណៈដែលប្រទេសនេះបានត្រៀមកម្លាំងយោធាប្រមាណ 175,000នាក់។នេះបើយោងតាមមន្ត្រីរដ្ឋបាល អាមេរិកថ្លែងប្រាប់ទីភ្នាក់ងារសារព័ត៌មានរ៉យទ័រចេញផ្សាយកាលពីថ្ងៃសៅរ៍ទី ៤ ធ្នូ ២០២១ ។ ចារកម្មថ្មីរបស់សហរដ្ឋអាមេរិក បានប៉ាន់ប្រមាណថាពាក់កណ្តាលនៃទាហានរុស្ស៊ីត្រូវបានដាក់ពង្រាយតាមចំណុចផ្សេងៗនៅជិតព្រំដែនអ៊ុយក្រែន ។
នេះបើយោងតាមមន្ត្រីរដ្ឋបាលលោក ចូបៃឌិនដែលបាននិយាយក្នុងលក្ខខណ្ឌមិនបញ្ចេញឈ្មោះ។ មន្ត្រីរូបនេះបានបន្ថែមថា ផែនការនេះបានអំពាវនាវឲ្យមានចលនានៃកងវរសេនាតូចចំនួន១០០ក្រុម រួមជាមួយរថពាសដែកកាំភ្លើងធំនិងឧបករណ៍យោធាធុនធ្ងន់មួយចំនួនទៀត។ រដ្ឋមន្ត្រីការពារជាតិអ៊ុយក្រែនលោក Oleksii Reznikov បានប្រាប់សមាជិកសភាកាលពីថ្ងៃសុក្រថា ចំនួនទាហានរុស្ស៊ីនៅជិតអ៊ុយក្រែននិងនៅតំបន់គ្រីមេដែលកាន់កាប់ដោយរុស្ស៊ី ត្រូវបានគេប៉ាន់ប្រមាណថាមានចំនួន ៩៤.៣០០នាក់ដោយព្រមានថាមានការកើនឡើងទ្រង់ទ្រាយធំហើយទំនងជាចាប់ផ្តើមធ្វើសកម្មភាពនៅក្នុងខែមករា ឆ្នាំ ២០២២ ខាងមុខនេះ។ មន្ត្រីនោះបាននិយាយថាមន្ត្រីស៊ើបការណ៍ក៏បានមើលឃើញពីការកើនឡើងនៃប្រតិបត្តិការព័ត៌មាន និង ប្រព័ន្ធផ្សព្វផ្សាយ ដើម្បីបង្ខូចកេរ្តិ៍ឈ្មោះអ៊ុយក្រែន និងអង្គការណាតូ មុនពេលការលុកលុយដ៏មានសក្តានុពល។ការរកឃើញរបស់ចារកម្មត្រូវបានរាយការណ៍ដំបូងដោយកាសែត វ៉ាស៊ីនតោនប៉ុស្តិ៍ (Washington Post )។ ភាពតានតឹងបានកើតឡើងនៅពេលដែលរុស្ស៊ីបាន ទាមទារកុំអោយប្រធានាធិបតីអាមេរិកលោក ធានាថាអ៊ុយក្រែននឹងមិនត្រូវបានអនុញ្ញាតឱ្យចូលរួមជាមួយសម្ព័ន្ធភាពណាតូ។ ទោះជាយ៉ាងណាភាពតានតឹងរវាងប្រទេសទាំងពីរអាចនឹងបានធូរស្រាលវិញក៏អាចថានៅពេលដែលមេដឹកនាំប្រទេសទាំងពី ជួបប្រជុំអាមួយលោកចូ បៃឌិន តាមទូរស័ព្ទ នៅសប្តាហ៍ក្រោយនេះ៕
