នៅពេលដែលប្រធានាធិបតីពូទីននិយាយអំពីតំបន់Donbas គឺគាត់សំដៅទៅលើតំបន់ផលិតធ្យូងថ្ម និងដែកចាស់ៗរបស់អ៊ុយក្រែន។ អ្វីដែលគាត់មានន័យពិតប្រាកដគឺតំបន់ភាគខាងកើតធំទាំងពីរគឺ Luhansk និង Donetsk ដែលលាតសន្ធឹងពីខាងក្រៅទីក្រុង Mariupol នៅភាគខាងត្បូងរហូតដល់ព្រំដែនភាគខាងជើង។
តំបន់ទាំងនេះនិយាយភាសារុស្សីយ៉ាងទូលំទូលាយ ហើយ Mariupolគឺជាទីក្រុងមួយក្នុងចំណោមទីក្រុងដែលគាំទ្ររុស្ស៊ីបំផុតនៅអ៊ុយក្រែន។ លោក Sam Cranny-Evans មកពីវិទ្យាស្ថាន Royal United Services មានប្រសាសន៍ថា ចំណុចសំខាន់គឺថាវាត្រូវបានកំណត់ដោយវិមានក្រឹមឡាំងថាជាផ្នែកមួយដែលនិយាយភាសារុស្សីច្រើនជាងអ៊ុយក្រែន។
តំបន់ទាំងនេះអាចនិយាយភាសារុស្សីយ៉ាងទូលំទូលាយ ប៉ុន្តែពួកគេលែងគាំទ្ររុស្ស៊ីទៀតហើយ។ អ្នកឯកទេសការពារជាតិលោក Konrad Muzyka និងជាប្រធានក្រុមហ៊ុន Rochan Consulting មានប្រសាសន៍ថា Mariupol គឺជាទីក្រុងដែលគាំទ្ររុស្ស៊ីបំផុតនៅអ៊ុយក្រែន ។
ប្រសិនបើរុស្ស៊ីដណ្តើមយកតំបន់ធំៗទាំងពីរ វានឹងផ្តល់ឱ្យលោក វ្ល៉ាឌីមៀ ពូទីន នូវសមិទ្ធផលមួយចំនួនពីសង្រ្គាមរបស់រុស្ស៊ី។ ជំហានបន្ទាប់គឺការបញ្ចូល Donbas ដូចអ្វីដែលគាត់បានធ្វើនៅតំបន់គ្រីមៀ (Crimea) បន្ទាប់ពីការធ្វើប្រជាមតិដែលមិនគួរឱ្យជឿកាលពីឆ្នាំ២០១៤ ។
មេដឹកនាំអាយ៉ងរបស់រុស្ស៊ីនៅទីក្រុង Luhansk បាននិយាយរួចហើយអំពីការធ្វើប្រជាមតិនៅក្នុងពេលអនាគតដ៏ខ្លីទោះបីជាគំនិតនៃការបោះឆ្នោតក្លែងក្លាយនៅក្នុងតំបន់សង្រ្គាមហាក់ដូចជាមិនសមហេតុផលក៏ដោយ។
ទីប្រឹក្សាប្រធានាធិបតីៈការវាយលុកថ្មីរបស់រុស្ស៊ីនៅភាគខាងកើតនឹងបរាជ័យ
លោក Oleksiy Arestovych ជំនួយការរបស់ប្រធានាធិបតី ហ្សេឡិនស្គីបាននិយាយថា សកម្មភាពរបស់រុស្ស៊ីនៅភាគខាងកើតនឹងបរាជ័យ ដោយសារកងកម្លាំងរបស់ទីក្រុងម៉ូស្គូមិនអាចទម្លុះតំបន់ការពាររបស់អ៊ុយក្រែនបាន។
Oleksiy Arestovych បានបន្តថា ការប្រយុទ្ធដើម្បីគ្រប់គ្រង តំបន់Donbas ដែលត្រូវបានប្រកាសកាលពីម្សិលមិញ កំពុងដំណើរការយ៉ាងប្រុងប្រយ័ត្នហើយទំនងជាទៅមិនរួចទេ។ ការប្រយុទ្ធនឹងមិនលើកនេះនឹងមិនធ្វើអោយរុស្ស៊ីពេញចិត្តឡើយ។
រុស្ស៊ីអំពាវនាវឲ្យកងកម្លាំងអ៊ុយក្រែនទម្លាក់អាវុធ បើចង់នៅរស់
កាលពីថ្ងៃអង្គាររដ្ឋមន្ត្រីការពារជាតិរុស្ស៊ីបានអំពាវនាវដល់កងកម្លាំងអ៊ុយក្រែននិងអ្នកប្រយុទ្ធបរទេសដែលជាប់នៅក្នុងរោងចក្រលោហៈធាតុ Azovstal ក្នុងទីក្រុងកំពង់ផែ Mariupol ទម្លាក់អាវុធចុះត្រឹមវេលាថ្ងៃត្រង់(ម៉ោងនៅទីក្រុងម៉ូស្គូត្រូវនឹងម៉ោង៤ល្ងាចនៅកម្ពុជា) ប្រសិនបើពួកគេចង់រស់នៅ។
Mariupolត្រូវបានឡោមព័ទ្ធដោយទាហានរុស្ស៊ីអស់ជាច្រើនសប្តាហ៍ជាមួយនឹងការប្រយុទ្ធគ្នាយ៉ាងសាហាវ និងការបំផ្លិចបំផ្លាញយ៉ាងខ្លាំងបំផុត ចាប់តាំងពីរុស្ស៊ីបានបញ្ជូនកងទ័ពចូលទៅក្នុងអ៊ុយក្រែនកាលពីថ្ងៃទី ២៤ ខែកុម្ភៈ។
ក្រសួងការពារជាតិបាននិយាយថា៖ «អ្នកទាំងអស់ដែលដាក់អាវុធត្រូវបានធានាថានៅមានជីវិត»។កងទ័ពត្រូវដកខ្លួនចេញពីរោងចក្រដែក ដោយគ្មានករណីលើកលែង ដោយគ្មានអាវុធ និងគ្មានគ្រាប់រំសេវ។នៅព្រឹកថ្ងៃនេះ កងកម្លាំងបំបែកខ្លួនដែលគាំទ្រដោយរុស្ស៊ីបាននិយាយថា ពួកគេកំពុងព្យាយាមវាយលុកតំបន់ Azovstal ហើយគ្រប់គ្រងវាឱ្យបានលឿនតាមដែលអាចធ្វើទៅបាន។
រុស្ស៊ីមានបំណងចាប់យកតំបន់ចំនួន 4 នៅក្នុងការវាយលុកភាគខាងកើតថ្មី
លោក Oleksiy Arestovychទីប្រឹក្សាការិយាល័យប្រធានាធិបតី
អ៊ុយក្រែនបាននិយាយកាលពីថ្ងៃអង្គារទី១៩ មេសា ២០២២ថា ប្រទេសរុស្ស៊ីមានមហិច្ឆតាវាយលុយកយកតំបន់ចំនួនបួន នៅភាគខាងកើតរបស់ប្រទេសអ៊ុយក្រែន។
នៅក្នុងបទសម្ភាសមួយចាក់ផ្សាយនៅលើប៉ុស្តិ៍ Feygin Live YouTube លោក Arestovychបាននិយាយថាប្រទេសរុស្ស៊ី
មានគោលបំណងចំនួនបួននៅក្នុងការវាយលុកថ្មីដែលបានចាប់ផ្តើមនៅតំបន់Donbasកាលពីថ្ងៃអាទិត្យ ។ លោកបានអះអាងថាគោលបំណងទីមួយរបស់រុស្ស៊ីគឺចាប់យកទីតាំងផ្លូវសំខាន់ៗចាប់ពី Rubizhne, Popasna និង Sievierodonetsk ក្នុងតំបន់ Luhansk ។ គោលបំណងទីពីរគឺដណ្តើមយក តំបន់ពី Izium ទៅ Sloviansk និង Kramatorsk នៅភាគឦសាននៃទីក្រុង Kharkiv។លោកបានបន្ថែមថា គោលដៅចុងក្រោយរបស់រុស្ស៊ីគឺទីក្រុង Huliaipole ក្នុងតំបន់ Zaporizzhzhia និង Mariupol ។តាមផែនការនេះ លោកបានបន្ថែមថាជនជាតិរុស្ស៊ីនឹងព្យាយាមកាត់ផ្តាច់តំបន់នេះចេញពីផ្នែកផ្សេងទៀតនៃប្រទេស។