សង្គ្រាមរុស្ស៊ី-អ៊ុយក្រែន​​​​​​ អាមេរិក ប្រមូលលុយបានរាប់ពាន់លានដុល្លារ​

បន្ទាប់ពីការផ្ទុះសង្គ្រាមរវាងរុស្ស៊ីនិងអ៊ុយក្រែនរយៈពេលជាង៥ខែកន្លងមកនេះប្រទេសនីមួយៗជាពិសេសប្រទេសដែលនៅជាប់ជាមួយរុស្ស៊ីបានជ្រួលប្របល់ក្នុងការទិញអាវុធពីអាមេរិក ដើម្បីធ្វើទំនើបកម្មវិស័យការពារជាតិរបស់ខ្លួន។

ជាក់ស្តែងកាលកាលពីថ្ងៃព្រហស្បតិ៍ក្រសួងការបរទេសសហរដ្ឋអាមេរិកបានគម្រោងលក់មីស៊ីលបាញ់ពីដីទៅអាកាសផលិតដោយក្រុមហ៊ុនRaytheonចំនួន៩៦គ្រាប់ទៅឱ្យប្រទេសហូឡង់ក្នុងកិច្ចព្រមព្រៀងមួយដែលមានតម្លៃ១,២ពាន់លានដុល្លារ។

ប្រទេសហុល្លង់បានស្នើសុំទិញមីស៊ីលប្រភេទ Patriot MIM-104E Guidance Enhanced Missile-Tactical ឬ GEM-T ដែលក្រសួងការបរទេសបាននិយាយថាអាវុធទាំងនេះវានឹងធ្វើ ឱ្យប្រសើរឡើងនូវវិស័យការពារជាតិនិងបង្កើនអន្តរប្រតិបត្តិការរបស់ខ្លួនជាមួយសហរដ្ឋអាមេរិកនិងកងកម្លាំងអង្គការណាតូ។រដ្ឋមន្ត្រីការពារជាតិហុល្លង់លោកស្រី Kajsa Ollongren បានធ្វើទស្សនកិច្ចនៅមន្ទីរបញ្ចកោណកាលពីថ្ងៃទី១៣ ខែកក្កដា ២០២២។

រដ្ឋមន្ត្រីការពារជាតិអាមេរិក លោក Lloyd Austin បានថ្លែងអំណរគុណដល់លោកស្រីចំពោះការផ្តល់សព្វាវុធដ៍សាហាវរបស់ហុល្លង់ដូចជាកាំភ្លើងធំដល់អ៊ុយក្រែនក្នុងការ

ប្រយុទ្ធប្រឆាំងនឹងការឈ្លានពានរបស់រុស្ស៊ី។ក្រៅពីហុល្លង់មហាអំណាចយោធាអាមេរិកក៏បានយល់ព្រម លក់អាវុធទៅអោយប្រទេស៥ផ្សេងទៀតរួមមាន៖

១–កូរ៉េខាងត្បូងនឹងទិញយន្តហោះចម្បាំង F-35A ចំនួន ២០គ្រឿងបន្ថែមទៀតពីសហរដ្ឋអាមេរិក ដែលជាផ្នែកមួយនៃគម្រោង F-X របស់ខ្លួនដែលផ្តោត

លើការទិញយន្តហោះចម្បាំងបំបាំងកាយបរទេសពីឆ្នាំ ២០២៣ដល់ឆ្នាំ២០២៨។គណៈកម្មាធិការលើកកម្ពស់ការគ្រប់គ្រងកម្មវិធីទិញអាវុធ ដឹកនាំដោយរដ្ឋមន្ត្រីការពារជាតិលោក Jong-sup Lee កាលពីថ្ងៃទី 15 ខែកក្កដា បានសម្រេចជាផ្លូវការក្នុងការទិញ F-35A ចំនួន ២០គ្រឿង បន្ថែមទៀតក្នុងតម្លៃ ជិត ៣ពាន់លានដុល្លារ)។

២–ប្រទេសគុយវ៉ែតទិញមីស៊ីលបាញ់ពីអាកាស

ទៅអាកាសរយៈចម្ងាយមធ្យម​និងឆ្ងាយប្រភេទ​AIM-120 C-7/8 Advanced Medium Range Air-to-Air Missiles និងគ្រាប់បែកប្រភេទផ្សេងៗដែលមានតម្លៃ ៣៩៧ លានដុល្លារសម្រាប់កងយន្តហោះ Eurofighter Typhoon របស់ខ្លួនពីក្រុមហ៊ុនRaytheon Technologies និង Lockheed Martin ។

៣–អូស្ត្រាលីទិញមីស៊ីលបាញ់ពីដីទៅអាកាសJoint Air-to-Surface Standoff ផលិតដោយក្រុមហ៊ុនLockheed ចំនួន៨០គ្រាប់មានតម្លៃ២៣៥ លានដុល្លារនិង​ទិញប្រព័ន្ធវាយប្រហាររយៈចម្ងាយឆ្ងាយ F/A-18F Super Hornet និង F-35A Lightning II។

៤– ប្រទេសអេមីរ៉ាត់អារ៉ាប់រួមទិញប្រព័ន្ធឧបករណ៍

ស៊ើបការណ៍មហាសមុទ្រដែលផលិតដោយក្រុមហ៊ុន Lockheed មានតម្លៃ២០៦លានដុល្លារ។ កញ្ចប់ប្រព័ន្ធឧបករណ៍ស៊ើបការណ៍មហាសមុទ្ររួមបញ្ចូលឧបករណ៍ចាប់សញ្ញា ឧបករណ៍ប្រមូលទិន្នន័យ និងការវិភាគ ដោយមានខ្សែកាបអុបទិកនិងការផ្គត់ផ្គង់ថាមពលដែលមិនអាចរំខានបាន។

៥–ពីពេលថ្មីនេះរដ្ឋាភិបាលប្រទេសឆេក

បានសម្រេចចិត្តចាប់ផ្តើមការចរចាជាមួយសហរដ្ឋអាមេរិកដើម្បីទិញយន្តហោះចម្បាំង F-35 Lightning II ចំនួន ២៤ គ្រឿងសម្រាប់កងទ័ពអាកាសផងដែរដែលតម្លៃក៏មិនក្រោមពាន់លានដុល្លារដែរ។