នៅក្នុងសន្និសីទសារព័ត៌មានមួយកាលពីថ្ងៃអង្គាររដ្ឋមន្ត្រីការពារជាតិអ៊ីស្រាអែលលោក Benny Gantzបានស្នើឱ្យប្រទេស
របស់លោកអាចបើកការវាយប្រហារប្រឆាំងនឹងកម្មវិធីនុយក្លេអ៊ែររបស់អ៊ីរ៉ង់ ដោយហៅវាថាជាបញ្ហាសកល ហើយ លោកក៏បានរិះគន់កិច្ចព្រមព្រៀងនុយក្លេអ៊ែរឆ្នាំ ២០១៥ ដែលអាមេរិកបោះបង់ចោលកាលពីឆ្នាំ ២០១៨ និងលទ្ធភាពនៃការរស់ឡើងវិញរបស់វាទោះបីជាការចរចារកាលពីពេលថ្មីៗនេះហាក់ដូចជាមិនទៅមុខក៏ដោយ។
លោក Gantz បាននិយាយនៅក្នុងទីក្រុង Jerusalem ក្នុងអំឡុងពេលសន្និសីទមួយដែលរៀបចំដោយ ទូរទស្សនន៍ប៉ុស្តិ៍ លេខ១៣របស់អ៊ីស្រាអែលថាអ៊ីរ៉ង់គឺជាបញ្ហាសកល។វាមិនមែនគ្រាន់តែជាបញ្ហាឯកជនរបស់អ៊ីស្រាអែលប៉ុណ្ណោះទេ។
នៅពេលត្រូវបានសួរថាតើអ៊ីស្រាអែលមានលទ្ធភាពពន្យារការវិវត្តរបស់អ៊ីរ៉ង់ឆ្ពោះទៅរកការបង្កើតអាវុធបរមាណូ ឬបញ្ឈប់វាទាំងស្រុងបានទេ លោកបានបញ្ជាក់ថា យើងអាចធ្វើបាបយ៉ាងធ្ងន់ធ្ងរនិងពន្យារពេលកម្មវិធីនុយក្លេអ៊ែររបស់អ៊ីរ៉ងបាន។
អតីតប្រមុខយោធាអ៊ីស្រាអែលដែលត្រូវបាននាំយកមកក្នុងរដ្ឋាភិបាលចាំផ្ទះក្នុងខែមិថុនាបានទទូចថាកិច្ចព្រមព្រៀងនុយក្លេអ៊ែរដែលបានចរចានៅឆ្នាំ ២០១៥គឺជា កិច្ចព្រមព្រៀងមិនល្អដែលគ្រាន់តែពន្យារពេលជាបណ្តោះអាសន្ននូវមហិច្ឆតាបរមាណូរបស់ទីក្រុងតេអេរ៉ង់។ លោក Gantz បានអះអាងថា ការដកទណ្ឌកម្មនេះ នឹងអាចឱ្យប្រទេសអ៊ីរ៉ង់ អភិវឌ្ឍសេដ្ឋកិច្ចរបស់ ខ្លួនហើយនៅទីបំផុតធ្វើឱ្យមានភាពស្របច្បាប់នូវការវិលត្រឡប់ទៅកាន់កម្មវិធីនុយក្លេអ៊ែរនៅពេលក្រោយ។
រដ្ឋមន្ត្រីការពារជាតិក៏មានមន្ទិលផងដែរអំពីថាតើប្រធានាធិបតីអាមេរិកចូបៃឌិនអាចធ្វើអោយផែនការសកម្មភាពទូលំទូលាយរួម (JCPOA) ដែលកាន់តំណែងមុនលោក ដូណាល់ត្រាំ បានចាកចេញជាឯកតោភាគីក្នុងឆ្នាំ ២០១៨រស់ឡើងវិញដែរឬទេ។លោកបានថ្លែងថាខ្ញុំមិនឃើញមានការបង្ហាញអ្វីធំដុំទេនៅពេលនេះ។
អ៊ីរ៉ង់បានឆ្លើយតបនឹងចំណាត់ការរបស់លោក ត្រាំដោយបង្កើនការស្រាវជ្រាវនុយក្លេអ៊ែររបស់ខ្លួន។ពេលនេះសហរដ្ឋអាមេរិកទាមទារឱ្យមានការវិលត្រឡប់ទៅកាន់ JCPOA ខណៈដែលទីក្រុងតេអេរ៉ង់ទទូចអោយទីក្រុងវ៉ាស៊ីនតោនត្រូវតែលុបចោលទណ្ឌកម្មដែលខ្លួនបានដាក់ឡើងវិញជាមុនសិន។កិច្ចព្រមព្រៀង JCPOA ក៏ត្រូវបានចុះហត្ថលេខាដោយរុស្ស៊ី ចិន បារាំង អាល្លឺម៉ង់ និងចក្រភពអង់គ្លេសផងដែរ។
ទោះបីជាGantzជឿថាយោធាអ៊ីស្រាអែលមានសមត្ថភាពវាយប្រហារលើរោងចក្ររ៉េអាក់ទ័រប្រតិកម្មអ៊ីរ៉ង់ក៏ដោយ ក៏អតីតនាយករដ្ឋមន្ត្រីលោក Ehud Barak មិនមានទំនុកចិត្តដូចនោះទេ។ នៅក្នុងទស្សនាវដ្តី Time កាលពីថ្ងៃចន្ទលោកBarakបានសារភាពថាអ៊ីស្រាអែលបានបំផ្លាញការស្រាវជ្រាវនុយក្លេអ៊ែររបស់អ៊ីរ៉ាក់ និងស៊ីរីក្នុងឆ្នាំ ១៩៨១ និង ២០០៧ ប៉ុន្តែអ៊ីរ៉ង់គឺខុសគ្នា។
លោកបន្តថាប្រាកដណាស់ទាំងអ៊ីស្រាអែល និង អាមេរិកអាចប្រតិបត្តិការលើមេឃនៃប្រទេសអ៊ីរ៉ង់ប្រឆាំងនឹងកន្លែងនេះ ឬទីតាំងនោះ ឬការដំឡើង និងបំផ្លាញវាប៉ុន្តែនៅពេលដែលអ៊ីរ៉ង់ជារដ្ឋនុយក្លេអ៊ែរកម្រិតជាក់ស្តែងការវាយប្រហារបែបនេះមិនអាចពន្យារពេលអ៊ីរ៉ង់ពីការប្រែក្លាយនុយក្លេអ៊ែរបានទេ។ ជាការពិត នៅក្រោមកាលៈទេសៈណាមួយវាអាចនឹងពន្លឿនការប្រញាប់ប្រញាល់របស់ពួកគេ ឆ្ពោះទៅរកការប្រមូលផ្តុំគ្រាប់បែកនោះ ហើយផ្តល់ឱ្យពួកគេនូវវិធានការនៃភាពស្របច្បាប់ដោយផ្អែកលើការការពារខ្លួន៕