កាលពីថ្ងៃព្រហស្បតិ៍ទី១០ ខែសីហា ២០២២ ក្រសួងការបរទេសតៃវ៉ាន់បានចូលរួមជាមួយស្ថាប័នរៀបចំគោលនយោបាយ កំពូលរបស់ខ្លួនស្តីពីប្រទេសចិនបានធ្វើការដិសេធគោលនយោបាយ “ប្រទេសមួយ ប្រព័ន្ធពីរ” ដែលទីក្រុងប៉េកាំង បានស្នើ ឡើងសម្រាប់កោះនេះនិង បន្តធ្វើសមយុទ្ធបាញ់គ្រាប់ពិតទៅតាមការគ្រោងទុក បន្ទាប់ពីទីក្រុងប៉េកាំងបានបញ្ចប់សមយុទ្ធ យោធាដ៏ធំបំផុតមិនធ្លាប់មានរបស់ខ្លួននៅជុំវិញកោះនេះនិងការគំរាមកំហែងម្តងហើយម្តងទៀតដើម្បីនាំយកកោះលទ្ធិប្រជាធិបតេយ្យដែលគ្រប់គ្រងដោយខ្លួនឯងមកគ្រប់គ្រងវិញ។
អ្នកនាំពាក្យក្រសួងការពារជាតិលោក Joanne Ou បានប្រាប់សន្និសីទសារព័ត៌មានមួយថាសេចក្តីថ្លែងការណ៍ទាំងមូល របស់ប្រទេសចិនគឺពិតជាប្រឆាំងនឹងស្ថានភាពច្រកសមុទ្រនិងការពិតរបស់វា។ប្រទេសចិនកំពុងប្រើប្រាស់ដំណើរទស្សនកិច្ចរបស់ប្រធានសភាអាមេរិកលោកស្រីណាន់ស៊ីផេលូស៊ីជាលេសដើម្បីបំផ្លាញស្ថានភាពបច្ចុប្បន្ននិងឆ្លៀតឱកាសបង្កើតបញ្ហាដោយព្យាយាមបំភិតបំភ័យប្រជាជនតៃវ៉ាន់។
លោកបានបន្តថា’’ប្រទេសមួយ ប្រព័ន្ធពីរ” សំដៅលើគំរូដែលហុងកុងនិងម៉ាកាវត្រូវបានសន្យាអោយមានកម្រិតស្វ័យភាពស្ថិតនៅក្រោមការគ្រប់គ្រងរបស់ចិន។
ជាការឆ្លើយតបទៅនឹងសមយុទ្ធយោធាចិនដែលទើបបាន
បញ្ចប់កាលពីថ្ងៃពុធ កងទ័ពរបស់តៃវ៉ាន់បាននិយាយថា ខ្លួននឹងកែសម្រួលពីរបៀបដាក់ពង្រាយកម្លាំងដោយមិនអោយកងកម្លាំរបស់ខ្លួនធ្លាក់ចុះនោះទេ។
ចាប់តាំងពីចុងទសវត្សរ៍ឆ្នាំ១៩៩០កោះនេះបានប្រែក្លាយពីរបបស្វ័យភាពទៅជាលទ្ធិប្រជាធិបតេយ្យដ៏រស់រវើក ហើយអត្តសញ្ញាណរបស់តៃវ៉ាន់បានលេចចេញកាន់តែច្បាស់បានរឹងមាំ។
ទំនាក់ទំនងរវាងទីក្រុងប៉េកាំងនិងតៃប៉ិទាំងកាន់តែអាក្រក់ខ្លាំងចាប់តាំងពីលោកស្រី Tsai Ing-wen ក្លាយជាប្រធានាធិបតីតៃវ៉ាន់ក្នុងឆ្នាំ២០១៦។លោកស្រីនិងគណបក្សវឌ្ឍនភាពប្រជាធិបតេយ្យរបស់លោកស្រីមិនចាត់ទុកតៃវ៉ាន់ជាផ្នែកមួយនៃប្រទេសចិនទេ។
លោកស្រីណាន់ស៊ីៈ យើងនឹងមិនអនុញ្ញាតឱ្យចិនធ្វើឱ្យតៃវ៉ាន់ឯកោឡើយ
ប្រធានសភាតំណាងរាស្រ្តអាមេរិកលោកស្រី ណាន់ស៊ី បាននិយាយកាលពីថ្ងៃពុធថាសហរដ្ឋអាមេរិកមិនអាចអនុញ្ញាតឱ្យប្រទេសចិនធ្វើឱ្យមានសម្ពាធកម្រិតថ្មីលើកោះតៃវ៉ាន់ដោយនិយាយសំដៅទៅលើសមយុទ្ធយោធាចិនប៉ុន្មានថ្ងៃបន្ទាប់ពីលោកស្រីបានបំពេញទស្សនកិច្ចទៅកាន់កោះដែលទាមទារដោយចិន។
លោកស្រីបានប្រាប់សន្និសីទសារព័ត៌មានជាមួយសមាជិកសភាប្រជាធិបតេយ្យបួននាក់ផ្សេងទៀតដែលអមដំណើរលោកស្រីមកកាន់តំបន់អាស៊ីថាអ្វីដែលយើងបានឃើញគឺប្រទេសចិន កំពុងព្យាយាមបង្កើតភាពធម្មតាថ្មីមួយ។
លោកស្រីបានបញ្ជាក់ថាយើងបានទៅទីនោះដើម្បីសរសើរតៃវ៉ាន។ យើងបានទៅទីនោះដើម្បីបង្ហាញពីមិត្តភាពរបស់យើង និងដើម្បីនិយាយថាប្រទេសចិនមិនអាចធ្វើអោយកោះតៃវ៉ាន់នៅឯកោបានទេ ។
នៅពេលសួរអំពីការប្រកាស ដាក់ទណ្ឌកម្មមកលើលោកស្រីនិង និងក្រុមគ្រួសារលោកស្រីបានសើចរួចឆ្លើយថា អ្នកណាទៅខ្វល់ ។វាជារឿងចៃដន្យសម្រាប់ខ្ញុំ មិនមានពាក់ព័ន្ធអ្វីទាំងអស់៕