យ៉ាងហោចណាស់មនុស្សជិត ២៥០ លាននាក់នៅក្នុងប្រទេសចិនប្រហែលជាបានឆ្លង កូវីដ-១៩ក្នុងរយៈ ពេល ២០ថ្ងៃដំបូងនៃខែធ្នូ។បើយោងតាមការប៉ាន់ស្មានផ្ទៃក្នុងពីមន្ត្រីសុខាភិបាលកំពូល របស់ប្រទេសនេះដែលត្រូវបាន សារព័ត៌មាន Bloomberg News និង Financial Times ដកស្រង់មកចុះផ្សាយកាលពីថ្ងៃសុក្រ ទី២៣ខែធ្នូ ឆ្នាំ២០ ២២។
ប្រសិនបើរបាយការណ៍ខាងលើនេះត្រឹមត្រូវ ការប៉ាន់ប្រមាណ របស់សារព័ត៌មានCNN ដែលមិនអាចបញ្ជាក់ ដោយឯករាជ្យ បានអោយដឹងថានឹងមានប្រហែល ១៨%ក្នុងចំណោមប្រជាជនចិន១,៤ពាន់លាននាក់និងតំណាង ឱ្យការផ្ទុះឡើងកូវីដ-១៩ដ៏ធំបំផុតរហូតមកដល់បច្ចុប្បន្ននៅទូទាំងពិភពលោក។
តួលេខដែលបានលើកឡើងត្រូវបានបង្ហាញក្នុងកិច្ចប្រជុំផ្ទៃក្នុងនៃគណៈកម្មការសុខភាពជាតិរបស់ប្រទេសចិន (NHC) កាលពីថ្ងៃពុធ។
កាលពីថ្ងៃសុក្រ ច្បាប់ចម្លងដែលត្រូវបានគេសន្មត់ថា កំណត់ចំណាំនៃកិច្ចប្រជុំរបស់ NHCត្រូវបានផ្សព្វផ្សាយ នៅលើប្រព័ន្ធផ្សព្វផ្សាយសង្គមរបស់ចិន ហើយបានឃើញដោយ CNN ។ ភាពត្រឹមត្រូវនៃឯកសារមិនត្រូវបាន ផ្ទៀងផ្ទាត់ ហើយ NHCមិនបានឆ្លើយតបភ្លាមៗចំពោះសំណើសុំការអត្ថាធិប្បាយទេ។រហូតមកដល់ ពេលនេះតែ ៤២,៣នៃអ្នកដែលមានអាយុចាប់ពី៨០ឆ្នាំឡើងទៅនៅក្នុងប្រទេសចិនប៉ុណ្ណោះដែលទទួលបានវ៉ាក់សាំងលើកទី ៣។នេះបើយោងតាមការគណនារបស់ CNN នៃតួលេខថ្មីដែលចេញផ្សាយដោយ NHC នៅថ្ងៃទី ១៤ខែធ្នូ។៕