ក្រសួងការពារជាតិជប៉ុនបាននិយាយថា ប្រទេសកូរ៉េខាងជើងបានបាញ់មីស៊ីលផ្លោងចំនួនបីគ្រាប់ឆ្ពោះទៅកាន់សមុទ្រជប៉ុនកាលពីថ្ងៃសៅរ៍ នៅក្នុងការសាកល្បងអាវុធចុងក្រោយបំផុតដែលបានបង្កើនភាពតានតឹងបន្ថែមទៀតក្នុងតំបន់ក្នុងឆ្នាំនេះ។នេះបើយោងតាមការចេញផ្សាយរបស់ទីភ្នាក់ងារសារព័ត៌មានជប៉ុនក្យូដូកាលពីថ្ងៃសៅរ៍ទី ៣១ ធ្នូ ២០២២។
ការបាញ់បង្ហោះនេះបានធ្វើឡើងបន្ទាប់ពីប្រទេសកូរ៉េខាងត្បូងបានធ្វើការសាកល្បងដោយជោគជ័យនូវការបាញ់បង្ហោះយានអវកាសឥន្ធនៈរឹងកាលពីថ្ងៃមុនដែលជាផ្នែកមួយនៃកិច្ចខិតខំប្រឹងប្រែងដើម្បីពង្រឹងសមត្ថភាពឈ្លបយកការណ៍ និងការអង្កេតលើលំហអាកាសរបស់ខ្លួន។
យោងតាមក្រសួងបានឱ្យដឹងថា ទីភ្នាក់ងាររដ្ឋសម្រាប់ការអភិវឌ្ឍន៍ការពារជាតិ (ADD) បានអនុវត្តការសាកល្បងនេះជាផ្នែកមួយនៃកិច្ចខិតខំប្រឹងប្រែងដើម្បីពង្រឹងសមត្ថភាពឈ្លបយកការណ៍ និងការអង្កេតលើលំហអាកាស ឯករាជ្យ។ វាមិនបានបង្ហាញពីទីកន្លែងនៃការធ្វើតេស្តនេះទេ។
ក្រសួងបាននិយាយថាមីស៊ីលត្រូវបានបាញ់នៅម៉ោងប្រហែល ៨ព្រឹកចេញពីពីជាយក្រុងព្យុងយ៉ាងហោះបានចម្ងាយប្រហែល ៣៥០ គីឡូម៉ែត្រក្នុងរយៈកម្ពស់អតិបរមាប្រហែល ១០០ គីឡូម៉ែត្រមុនពេលធ្លាក់នៅជិតឆ្នេរសមុទ្រភាគខាងកើតនៃឧបទ្វីបកូរ៉េ។
មីស៊ីលនេះទំនងជាបានធ្លាក់នៅខាងក្រៅតំបន់សេដ្ឋកិច្ចផ្តាច់មុខរបស់ជប៉ុនហើយមិនមានការខូចខាតដល់យន្តហោះ ឬនាវានោះទេ។
យោងតាមមន្ត្រីការិយាល័យលោក នាយករដ្ឋមន្ត្រី ហ្វូមីអូ គីស៊ីដាបានណែនាំមន្ត្រីឱ្យផ្តល់ព័ត៌មានចាំបាច់ភ្លាមៗដល់សាធារណជន ធានាសុវត្ថិភាពនៃយន្តហោះ និងនាវានិងរៀបចំសម្រាប់ឧបទ្ទវហេតុដែលអាចនឹងកើតឡើង។
រដ្ឋាភិបាលបានដាក់ការតវ៉ាជាមួយកូរ៉េខាងជើងតាមរយៈស្ថានទូតជប៉ុនក្នុងទីក្រុងប៉េកាំងជុំវិញការបាញ់បង្ហោះចុងក្រោយនេះ។
ទីភ្នាក់ងារសារព័ត៌មានយន់ហាប់ បាននិយាយថា មិនរាប់បញ្ចូលមីស៊ីលថ្ងៃនេះទេប្រទេសកូរ៉េខាងជើងបានបាញ់មីស៊ីលផ្លោង៣៨ដងស្មើនឹងប្រមាណ ៧០ គ្រាប់ក្នុងឆ្នាំនេះ រួមទាំងមីស៊ីលផ្លោងអន្តរទ្វីប (ICBM) ប្រហែល ៨ គ្រាប់ផងដែរ។
នៅឆ្នាំ ២០២០ កូរ៉េខាងជើងបានធ្វើតេស្តមីស៊ីលចំនួន ៤ ដង។ នៅឆ្នាំ ២០២១វាបានកើនឡើងទ្វេដង។ នៅឆ្នាំ២០២២ ប្រទេសឯកោបានបាញ់កាំជ្រួចច្រើនជាងឆ្នាំណាៗទាំងអស់ក្នុងកំណត់ត្រា នៅចំណុចមួយបានបាញ់កាំជ្រួចចំនួន ២៣គ្រាប់ក្នុងមួយថ្ងៃ៕