មន្ត្រីជាន់ខ្ពស់មួយរូបបាននិយាយកាលពីថ្ងៃចន្ទ ទី៩ មករាថា ស្ទើរតែ៩០ភាគរយនៃប្រជាជន ចិននៅក្នុងខេត្ត Henanដែលជាខេត្តមានប្រជាជនច្រើនជាងគេលំដាប់ទីបីនៅក្នុងប្រទេសចិន មានអ្នកឆ្លងមេរោគ កូវីដ-១៩ ខណៈដែលប្រទេសនេះប្រយុទ្ធប្រឆាំងនឹងការកើនឡើងដែលមិនធ្លាប់មានពីមុនមក។
លោក Kan Quncheng ប្រធានគណៈកម្មការសុខាភិបាលខេត្ត Henan បានប្រាប់សន្និសីទសារព័ត៌មានថាគិត ត្រឹមថ្ងៃទី ៦ខែមករា ឆ្នាំ ២០២៣ អត្រាឆ្លងជំងឺ កូវីដ-១៩របស់ខេត្តគឺ៨៩,០ភាគរយ។
ជាមួយនឹងចំនួនប្រជាជន៩៩,៤ លាននាក់ តួលេខនេះបង្ហាញថាមនុស្សប្រហែល ៨៨,៥លាននាក់នៅក្នុងខេត្ត Henan ឥឡូវនេះប្រហែលជាបានឆ្លងជំងឺនេះ។
ប្រទេសចិនកំពុងប្រយុទ្ធប្រឆាំងនឹងការកើនឡើងនៃករណីឆ្លងរាលដាលបន្ទាប់ពីការសម្រេចចិត្តរបស់ខ្លួនកាលពីខែមុនដើម្បីលុបចោលការចាក់សោរ ការដាក់ឱ្យនៅដាច់ពីគេ និងការធ្វើតេស្តជាច្រើនឆ្នាំដែលបានធ្វើឱ្យប៉ះ ពាល់ដល់សេដ្ឋកិច្ចរបស់ខ្លួន និងបង្កឱ្យមានការតវ៉ាទូទាំងប្រទេសដ៏កម្រ៕