រដ្ឋមន្ត្រីការពារជាតិរុស្ស៊ី លោក Sergei Shoigu និយាយថា រុស្ស៊ីនឹងបន្តអភិវឌ្ឍនុយក្លេអ៊ែរចំនួន បីបន្ថែមទៅ លើមីស៊ីលផ្លោង នាវាមុជទឹក និងយន្តហោះទម្លាក់គ្រាប់បែកយុទ្ធសាស្ត្រ ពីព្រោះអាវុធបែបនេះគឺជាការធា នាដ៏សំខាន់នៃអធិបតេយ្យភាពរបស់ខ្លួន។
លោកបានបន្តថាយើងនឹងបន្តអភិវឌ្ឍនុយក្លេអ៊ែរទាំងបី និងរក្សាការត្រៀមខ្លួនប្រយុទ្ធរបស់ខ្លួន នៅពេលដែល ខែលនុយក្លេអ៊ែរនៅតែជាអ្នកធានាដ៏សំខាន់នៃអធិបតេយ្យភាព និងបូរណភាពទឹកដីនៃរដ្ឋរបស់យើង។
យើងក៏នឹងបង្កើនសមត្ថភាពប្រយុទ្ធរបស់កងកម្លាំងអាកាសផងដែរទាំងការងារយន្តហោះចម្បាំងនិងយន្តហោះទម្លាក់គ្រាប់បែកនៅក្នុងតំបន់ដែលមានប្រព័ន្ធការពារដែនអាកាសទំនើបកំពុងដំណើរការនិងក្នុងលក្ខខណ្ឌនៃការកែលម្អយន្តហោះគ្មានមនុស្សបើក។
រុស្ស៊ីកំពុងវាយ ដណ្តើមយកទីក្រុងរ៉ែ Soledar ភាគខាងកើត
ប្រធានាធិបតីអ៊ុយក្រែនលោក ហ្សេឡិនស្គីបាននិយាយនៅក្នុងសុន្ទរកថាកាលពីរាត្រីថ្ងៃចន្ទថាកងទ័ពរុស្ស៊ីកំពុងផ្តោតលើការចាប់យកទីក្រុង រ៉ែ Soledar ក្នុងតំបន់Donbas ភាគខាងកើតនៃប្រទេសអ៊ុយក្រែន។
លោកបាននិយាយថារុស្ស៊ីផ្តោតការខិតខំប្រឹងប្រែងដ៏អស្ចារ្យបំផុតរបស់ពួកគេទៅលើទីក្រុង Soledar។វាពិបាក ខ្លាំងណាស់ ។វាស្ទើរតែគ្មានជញ្ជាំងដែលមិនខូចខាតនោះទេ។
អនុរដ្ឋមន្ត្រីការពារជាតិអ៊ុយក្រែន បាននិយាយថា ពីមុនមកកងទ័ពអ៊ុយក្រែនបានវាយលុក ការប៉ុនប៉ងរបស់រុស្ស៊ី ពីមុន ដើម្បីដណ្តើមយកទីក្រុងនេះ។ លោកបានបន្ថែមថាអ្វីៗត្រូវបានបំផ្លាញទាំងស្រុង ស្ទើរតែគ្មានជីវិតនៅ សល់។មនុស្សរាប់ពាន់នាក់របស់ពួកគេត្រូវបានបាត់បង់។ ដីទាំងមូលនៅជិតSoledarត្រូវបានគ្របដណ្តប់ដោយ សាកសពនិងស្លាកស្នាមពីការវាយប្រហារ។
សម្ព័ន្ធមិត្តពូទីន៖រុស្ស៊ីឥឡូវកំពុងប្រយុទ្ធជាមួយណាតូ
សម្ព័ន្ធមិត្តជិតស្និទ្ធបំផុតរបស់ប្រធានាធិបតី វ្ល៉ាឌីមៀ ពូទីន បាននិយាយថារុស្ស៊ីពេលនេះកំពុងប្រយុទ្ធជាមួយ សម្ព័ន្ធមិត្តយោធាណាតូដែលដឹកនាំដោយសហរដ្ឋអាមេរិកនៅអ៊ុយក្រែន។
លេខាធិការក្រុមប្រឹក្សាសន្តិសុខរុស្ស៊ីលោក Nikolai Patrushev បាននិយាយថាព្រឹត្តិការណ៍នៅអ៊ុយក្រែន មិន មែនជាការប៉ះទង្គិចគ្នារវាងទីក្រុងម៉ូស្គូ និងទីក្រុងគៀវនោះទេ នេះគឺជាការប្រឈមមុខដាក់គ្នាផ្នែកយោធារវាង រុស្ស៊ី និងអង្គការណាតូ ជាពិសេសពីសហរដ្ឋអាមេរិក និងអង់គ្លេស។
លោក Patrushev បានប្រាប់កាសែត Argumenti i Fakti ថា ផែនការរបស់ពួកលោកខាងលិចគឺដើម្បីបន្តទាញ រុស្ស៊ីឱ្យដាច់ពីគ្នាហើយនៅទីបំផុតគ្រាន់តែលុបវាចេញពីផែនទីនយោបាយនៃពិភពលោក។
អតីតចារកម្មសូវៀតដែលបានស្គាល់លោកពូទីនតាំងពីទសវត្សរ៍ឆ្នាំ១៩៧០ គឺជាសម្ព័ន្ធមិត្តរឹងរូស ហើយត្រូវបាន គេមើលឃើញថាជាមនុស្សម្នាក់ ដែលអាចមានឥទ្ធិពលលើប្រធានាធិបតីរុស្ស៊ី៕