Saturday, February 24, 2024
Homeកីឡាជាតិប្រដាល់គុនខ្មែរលក្ខណៈអន្ដរជាតិ ប៉ុស្ដិ៍លេខ៥ គូជក់ចិត្តផាន់ ក្រាន់ ផ្ដួលBA BUO ត្រឹមទឹកទី២  

ប្រដាល់គុនខ្មែរលក្ខណៈអន្ដរជាតិ ប៉ុស្ដិ៍លេខ៥ គូជក់ចិត្តផាន់ ក្រាន់ ផ្ដួលBA BUO ត្រឹមទឹកទី២  

កណ្ដាល៖ការប្រកួតប្រដាល់គុនខ្មែរ លក្ខណៈអន្ដរជាតិស្ថានីយ៍ទូរទស្សន៍កង​យោធ​ពលខេមរៈភូមិន្ទប៉ុស្ដិ៍លេខ៥ (Tv5) សហការ​ជាមួយសហព័ន្ធកីឡាប្រដាល់គុនខ្មែរ រដូវកាលថ្មី បានឈានចូលសប្ដាហ៍ទី១៣ហើយ ដែល​អាទិត្យនេះរឹត​តែ​អស្ចារ្យថែមទៀត​ដោយសារ​តែ​ទាំង​កីឡាករជាតិ និងអន្ដរជាតិវាយគ្នាមិនបន្ធូដៃ នាំឲ្យទស្ស​និក​ជកជក់ចិត្ដខ្លាំង និងហ៊ោ​ពេញសែង្វៀន ព្រោះថាអ្នករៀបចំកម្មវិធីមានការសម្រិតសម្រាំង​យក​កីឡាករ​បរទេស​មក​សុទ្ធតែខ្លាំងៗទើបធ្វើឲ្យអ្នកស្នេហាវិស័យប្រដាល់គុនខ្មែរមានចំនួនកាន់តែកើនឡើង ពិសេស​នៅថ្ងៃឆ្លងឆ្នាំ​សាកលពី២០២៣ ឈានចូល២០២៤ នេះតែម្ដង។

លទ្ធផលប្រដាល់គុនខ្មែរ ប៉ុស្ដិ៍លេខ៥ នៅថ្ងៃទី៣១ ខែធ្នូ ឆ្នាំ២០២៣ គឺ៖

-គូពិសេសទី១៖កីឡាករបង្គោលក្រហមលីន ជី  មកពីក្លិបបូរីរាជសីហ៍ សមាគម​កីឡាកងយោធពលខេមរភូមិន្ទ ប្រភទទម្ងន់៦៣.៥គ.ក្រ បានបោះបង់ការប្រកួតនៅទឹក​ទៅ៤ ព្រោះមិនអាចទប់ទល់ជាមួយកីឡាករ​បង្គោល​ខៀវ​ឡុង គង្គា មក​ពី​ក្លិបប្រដាល់សាល​វ័នកីឡា​ខេត្តមណ្ឌុលគិរី សមាគមកីឡាប្រដាល់ក្រសួងមហាផ្ទៃ បានឡើយ។

 -គូពិសេសទី២៖ បង្គោលក្រហមកីឡាករថា សារុន  មកពីក្លិបតាឡីដំរីមានរិទ្ធ សមា​គមកីឡាប្រដាល់ក្រសួង​មហាផ្ទៃ ប្រភេទទម្ងន់៦០គ.ក្រ បានចាញ់ពិន្ទុកីឡាករបង្គោល​ខៀវ​យុគ យក្យផ្លែ​ មកពីក្លិប ខ្លារខិនមានរិទ្ធ សមា​គម​កីឡាប្រដាល់ក្រសួងមហាផ្ទៃ។

 -គូអន្ដរជាតិទី៣៖កីឡាកបង្គោលក្រហមផាន់ គ្រាន់ មកពីក្លិប វិបុលដារិទ្ធ ខណ្ឌពោធិ​សែនជ័យ សមាគម​កីឡា​ប្រដាល់ក្រសួងមហាផ្ទៃ ប្រភេទទម្ងន់៦៥គ.ក្រ បានផ្ដួលកីឡាករ​បង្គោ​លខៀវBA BUO  (Thailand) ឲ្យបោះបង់​ការ​ប្រកួត​ត្រឹមទឹកទី២។នេះជាគូដ៍ជក់​ចិត្តបំផុត​ប្រចាំសប្ដាហ៍ ព្រោះកីឡាករប្ដូរកែងគ្នាទៅ​វិញទៅមកយ៉ាងលឿន​បំផុតហើយនៅតង់ទី១ អាជ្ញាកណ្ដាលបានរាប់ទៅលើកីឡាករផាន់ គ្រាន់ ម្ដងក្រោយចូលកែងរបស់ BA BUO   ។ប៉ុន្ដែនៅទឹកទី២ ផាន់ គ្រាន់ បានវាយកែងចូលទៅលើBA BUO ដួលសម្លប់បែកចិញ្ចើម​រហូតមិនអាចបន្ដ​ការ​ប្រកួតទៀតបាន ក្រោយអាជ្ញាកណ្ដាលរាប់ដល់១០ ងើបមិនរួច។គូនេះ​ទស្ស​និក​ជនពេញចិត្តជាងគេ ប្រចាំ​សប្ដាហ៍​ទី១៣ សម្រាប់ប្រដាល់គុនខ្មែរលក្ខណៈអន្ដរ​ជាតិ​របស់ប៉ុស្ដិ៍លេខ៥ ស្វាគមន៍ថ្ងៃឆ្លងឆ្នាំសាកល២០២៤ ។

 -គូអន្ដរជាតិទី៤៖កីឡាបង្គោលក្រហមរិន សារ័ត្ន  មកពីក្លិបនាគនាំសំណាងនរាយណ៍តេជៈគុនខ្មែរ សមាគម​កីឡាប្រដាល់ក្រសួងមហាផ្ទៃ ប្រភេទទម្ងន់៦៣,៥  គ.ក្រ បានចាញ់ពិន្ទុកីឡា ករបង្គោលខៀវKANG NAPHA  (Thailand) ។

 -គូអន្ដរជាតិទី៥៖ កីឡាករបង្គោលក្រហមគង់ ហូវ មកពីក្លិបមហិទ្ធិរិទ្ធមេសថ្ងក ខេត្តស្វាយរៀង សមាគមកី​ឡាកងយោធពលខេមរភូមិន្ទ ប្រភេទទម្ងន់ ៦០គ.ក្រ បានឈ្នះ ​ពិន្ទុកីឡាករបង្គោល​ខៀវ​AMY SELAKCHHAI​(Thailand) ។

 គូរបញ្ជាក់ថាប្រដាល់គុនខ្មែរ លក្ខណៈអន្ដរជាតិប៉ុស្ដិ៍លេខ៥ បានធ្វើឲ្យទស្សនិក​ជនគាំទ្រ ខ្លាំងព្រោះតែមាន​ការសម្រិតសម្រាំងគូពិសេសៗជារៀង​រាល់សប្ដាហ៍ទាំង​កីឡាករ​ជាតិ និងអន្ដរជាតិដើម្បីបម្រើអារម្មណ៍បង​ប្អូនក៍ដូចជាបំផុស​កីឡាប្រដាល់គុនខ្មែរឲ្យកាន់​តែ​ល្បី​ល្បាញទាំងនៅលើឆាកជាតិ និងអន្ដរជាតិ។ទស្សនិកជនអាចមកទស្សនាដោយផ្ទាកំពឹស ឬតាមAp Tv5 Cambodia Facebook  និងតាមយូធូបរៀងរាល់​ល្ងាចថ្ងៃអាទិត្យចាប់ពីម៉ោង​៦ល្ងាចតទៅនៅស្ទូឌីយោ ប៉ុស្ដិ៍លេខ៥ ព្រែកកំពិស។ប៉ុន្ដែចាប់ពីសប្ដាហ៍ទី១៤ នេះត​ទៅ​ពោល​គឺនៅថ្ងៃទី៦ ខែមករា ឆ្នាំ២០២៤ ប្រដាល់គុនខ្មែរលក្ខណៈរអន្ដរជាតិរបស់​TV5 នឹងប្ដូរមកប្រ​កួតធ្វើនៅ​ល្ងាចថ្ងៃសៅរ៍ចាប់ពីម៉ោង៦ល្ងាចតទៅវិញ។ប្រដាល់គុនខ្មែរ លក្ខណៈ​អន្ដរជាតិ​ប៉ុស្ដិ៍​លេខ​៥ តំណើរការបាន ដោយ​សារតែមានការឧបត្ថម្ភធំពីទឹក​បរិសុទ្ធលីយ៉ង និងក្រុមហ៊ុន​ទឹក​កកអ​នាម័យ​​​Premium ៕

RELATED ARTICLES