Saturday, June 15, 2024
Homeកីឡាជាតិប្រដាល់គុនខ្មែរលក្ខណៈអន្ដរជាតិ Tv5 ម៉ន ព្រហ្មម៉ាញ ឈ្នះNew Yangchan ខណៈ ដែលពុទ្ធ សំបូរ ចាញ់Sen Sakgnen និងរិទ្ធី...

ប្រដាល់គុនខ្មែរលក្ខណៈអន្ដរជាតិ Tv5 ម៉ន ព្រហ្មម៉ាញ ឈ្នះNew Yangchan ខណៈ ដែលពុទ្ធ សំបូរ ចាញ់Sen Sakgnen និងរិទ្ធី សុជាតិ ចាញ់Pich Nakhorn

កណ្ដាល៖ការប្រកួតប្រដាល់គុនខ្មែរ លក្ខណៈអន្ដរជាតិស្ថានីយ៍ទូរទស្សន៍កង​យោធ​ពលខេមរៈភូមិន្ទប៉ុស្ដិ៍លេខ៥ (Tv5) សហការ​ជាមួយសហព័ន្ធកីឡាប្រដាល់គុនខ្មែរ រដូវកាលថ្មី បានឈានចូលសប្ដាហ៍ទី១៤ហើយ ដែល​អា ទិត្យនេះកាន់​តែ​អស្ចារ្យថែមទៀត​ដោយសារ​តែ​ទាំង​កីឡាករជាតិ និងអន្ដរជាតិវាយគ្នាអស់ពីសម្ថភាពនាំឲ្យ ទស្សនិក​ជកជក់ចិត្ដខ្លាំង និងហ៊ោ​ពេញសែង្វៀន ដោយសារអ្នករៀបចំកម្មវិធីមានការសម្រិតសម្រាំង​យក​កីឡា ករ​បរទេស​មក​សុទ្ធតែខ្លាំងៗទើបធ្វើឲ្យអ្នកស្នេហាវិស័យប្រដាល់គុនខ្មែរមានចំនួនកាន់តែកើនឡើង ពិសេស​នៅឆ្នាំថ្មី ២០២៤ នេះតែម្ដង។

លទ្ធផលប្រដាល់គុនខ្មែរ ប៉ុស្ដិ៍លេខ៥ នៅថ្ងៃទី៦ ខែមករា ឆ្នាំ២០២៤ គឺ៖

 -គូពិសេសទី១៖កីឡាករបង្គោលក្រហមជុន រឿងសារ៉ូត មកពីក្លិបកងពលតូចដឹកជញ្ជូនលេខ៩០ ប្រភទទម្ងន់ ៥៤គ.ក្រ បានបោះបង់ការប្រកួតនៅទឹក​ទី៣ ព្រោះមិនអាចទប់ទល់ជាមួយកីឡាករ​បង្គោល​ខៀវរិទ្ធី នឹមណូ មក​ពី​ក្លិបគុនខ្មែរស៊ុបពើហ្វៃ សមាគមកីឡាប្រដាល់ក្រសួងមហាផ្ទៃ បានឡើយ។

 -គូពិសេសទី២៖ បង្គោលក្រហមកីឡាករឡុង លីហេង  មកពីក្លិបឡុងសាលវ័ន្ដ សមាគមកីឡាប្រដាល់ ក្រសួង មហាផ្ទៃ ប្រភេទទម្ងន់៥៧គ.ក្រ បានឈ្នះពិន្ទុកីឡាករបង្គោល​ខៀវ​ទូច ប្រុសណុច  មកពីក្លិប មហិទ្ធិរិទ្ធិមេសថ្ញក សមាគមកីឡាកងយោធពលខេមភូមិន្ទ ។

 -គូអន្ដរជាតិទី៣៖កីឡាកបង្គោលក្រហមរិទ្ធី សុជាតិ មកពីក្លិប គុនខ្មែរស៊ុបពើហ្វៃ សមាគមកីឡាប្រដាល់ក្រ សួងមហាផ្ទៃប្រភេទទម្ងន់៦៣,៥គ.ក្រ បានបោះបង់ការប្រកួត​នៅទឹក​ទី៣ ដោយសារមិនអាច ទប់ជាប់ការទាត់ ស្ទួនៗពីកីឡាករ​បង្គោ​លខៀវPICH NAKHORN (Thailand។។

 -គូអន្ដរជាតិទី៤៖កីឡាបង្គោលក្រហមពុទ្ធ សំបូរ  មកពីក្លិបតាឡីដំរីមានរិទ្ធ សមាគមកី​ឡាប្រដាល់ក្រសួង មហាផ្ទៃ ប្រភេទទម្ងន់៦០  គ.ក្រ បានបោះបង់ការប្រកួតត្រឹមនៅទឹកទី២ ព្រោះមិនអាចទប់ទល់កីឡាករបង្គោល ខៀវSEN SAKGNEN  (Thailand) ។

 -គូអន្ដរជាតិទី៥៖ កីឡាករបង្គោលក្រហមម៉ន ព្រហ្មម៉ាញ មកពីក្លិបពន្លឺថ្មីព្រែកឯងកីឡា សមាគមកីឡាក្រ សួងមហាផ្ទៃ ប្រភេទទម្ងន់ ៦៣,៥គ.ក្រ បានឈ្នះដោយ​ពិន្ទុកីឡាករបង្គោល​ខៀវ​NEW YANGCHAN (Thailand) ។

 សូមបញ្ជាក់ថាប្រដាល់គុនខ្មែរ លក្ខណៈអន្ដរជាតិប៉ុស្ដិ៍លេខ៥ បានធ្វើឲ្យទស្សនិក​ជនគាំទ្រច្រើន ព្រោះតែមាន ការសម្រិតសម្រាំងគូពិសេសៗជារៀង​រាល់សប្ដាហ៍ទាំង​កីឡាករ​ជាតិ និងអន្ដរជាតិដើម្បីបម្រើ អារម្មណ៍បង ប្អូនក៍ដូចជាបំផុស​កីឡាប្រដាល់គុនខ្មែរឲ្យកាន់​តែ​ល្បី​ល្បាញទាំងនៅលើឆាកជាតិ និងអន្ដរជាតិ។ ប្រដាល់គុនខ្មែរ លក្ខណៈ​អន្ដរជាតិ​ប៉ុស្ដិ៍​លេខ​៥ តំណើរការបាន ដោយសារតែមានការឧបត្ថម្ភធំពីទឹក​បរិសុទ្ធលី យ៉ង និងក្រុមហ៊ុន​ទឹក​កកអ​នាម័យ​​​Premium ។ទស្សនិកជនអាចមកទស្សនាដោយផ្ទាល់ឬតាម​Ap Tv5 Cambodia Facebook  និងតាមយូធូបរៀងរាល់ល្ងាចថ្ងៃសៅរិ៍ចាប់ពីម៉ោង៦ល្ងាចតទៅនៅស្ទូឌីយោ ប៉ុស្ដិ៍ លេខ៥ ព្រែកកំពឹស៕

RELATED ARTICLES