កណ្ដាល៖ការប្រកួតប្រដាល់គុនខ្មែរ លក្ខណៈអន្ដរជាតិស្ថានីយ៍ទូរទស្សន៍កងយោធពលខេមរៈភូមិន្ទប៉ុស្ដិ៍លេខ៥ (Tv5) សហការជាមួយសហព័ន្ធកីឡាប្រដាល់គុនខ្មែរ រដូវកាលថ្មី បានឈានចូលសប្ដាហ៍ទី១៦ហើយ ដែលសប្ដាហ៍នេះកាន់តែពិសេសថែមទៀតដោយសារតែទាំងកីឡាករជាតិ និងអន្ដរជាតិវាយគ្នាអស់ពីសម្ថភាព នាំឲ្យទស្សនិកជកជក់ចិត្ដខ្លាំង និងហ៊ោពេញសែង្វៀន ព្រោះតែអ្នករៀបចំកម្មវិធីមានការសម្រិតសម្រាំងយកកីឡាករបរទេសមកសុទ្ធតែខ្លាំងៗទើបធ្វើឲ្យអ្នកស្នេហាវិស័យប្រដាល់គុនខ្មែរមានចំនួនកាន់តែកើនឡើង ពិសេសគឺនៅឆ្នាំថ្មី ២០២៤ ។
លទ្ធផលប្រដាល់គុនខ្មែរ ប៉ុស្ដិ៍លេខ៥ នៅថ្ងៃទី២០ ខែមករា ឆ្នាំ២០២៤ គឺ៖
-គូពិសេសទី១៖កីឡាករបង្គោលក្រហមឡុង គង្គា មកពីក្លិបសាលវ័ន្ដកីឡា សមាគមកីឡាប្រដាល់ក្រសួងមហាផ្ទៃ ទម្ងន់៦៣,៥គ.ក្រ បានផ្ដួលកីឡាករបង្គោលខៀវប៉ុក សំរ៉ាច់ មកពីក្លិបវិបុលដារិទ្ធ ខណ្ឌពោធិសែនជ័យ សមាគមកីឡាប្រដាល់ក្រសួងមហាផ្ទៃ ឲ្យបោះបង់ការប្រកួតនៅទឹកទី៥ ។
-គូអន្ដរជាតិទី១៖កីឡាកបង្គោលក្រហមចាន់ សំអាត មកពីក្លិបនាគនាំសំណាងនរាណ៍តេជៈគុនខ្មែរសមាគមកីឡាប្រដាល់ក្រសួងមហាផ្ទៃ ប្រភេទទម្ងន់៦០គ.ក្រ បានផ្ដួលកីឡាករ បង្គោលខៀវ Bang Thay (Thailandនៅត្រឹមទឹកទី៣ ។
-គូអន្ដរជាតិទី២៖កីឡាបង្គោលក្រហមម៉ន សាម៉េត មកពីក្លិបប៉ែនកាក់គុនខ្មែរ សមា គមកីឡាប្រដាល់ក្រសួងមហាផ្ទៃ ប្រភេទទម្ងន់៦០ គ.ក្រ បានត្រឹមស្មើពិន្ទុគ្នាជាមួយកីឡាករបង្គោលខៀវ Pan Phat (Thailand)
-គូអន្ដរជាតិទី៣៖ កីឡាករបង្គោលក្រហមសោម វិឆ័យ មកពីក្លិបវិបុលដាវរិទ្ធ ខណ្ឌពោធិសែនជ័យ សមា គមកីឡាប្រដាល់ក្រសួងមហាផ្ទៃ ប្រភេទទម្ងន់ ៦៣,៥គ.ក្រ ជាគូឯកប្រចាំសប្ដាហ៍បានចាញ់ពិន្ទុកីឡាករបង្គោលខៀវDen Naphau (Thailand) ។
-គូពិសេសទី២៖ បង្គោលក្រហមកីឡាករជ័យ គឹមហុង មកពីក្លិបឃ្លាំងមឿងកីឡាខេត្តពោធិសាត់ សមាគមកីឡាប្រដាល់ក្រសួងមហាផ្ទៃ ប្រភេទទម្ងន់៥៧គ.ក្រ បានផ្ដួលនៅទឹកទី៤ទៅលើកីឡាករបង្គោលខៀវខាំ ម៉ានី មកពីក្លិបមហិទ្ធិរិទ្ធមេសថ្ញក ខេត្តស្វាយរៀង សមាគមកីឡាកងយោធពលខេមរភូមិន្ទ ។
សូមបញ្ជាក់ថាប្រដាល់គុនខ្មែរ លក្ខណៈអន្ដរជាតិប៉ុស្ដិ៍លេខ៥ បានធ្វើឲ្យទស្សនិកជនគាំទ្រច្រើន ព្រោះតែមានការជ្រើសរើសគូពិសេសៗជារៀងរាល់សប្ដាហ៍ទាំងកីឡាករជាតិ និងអន្ដរជាតិដើម្បីបម្រើអារម្មណ៍បងប្អូនក៍ដូចជាបំផុសកីឡាប្រដាល់គុនខ្មែរឲ្យកាន់តែល្បីល្បាញទាំងនៅលើឆាកជាតិ និងអន្ដរជាតិ។ ប្រដាល់គុនខ្មែរ លក្ខណៈអន្ដរជាតិប៉ុស្ដិ៍លេខ៥ តំណើរការបាន ដោយសារតែមានការឧបត្ថម្ភធំពីទឹកបរិសុទ្ធលីយ៉ង និងក្រុមហ៊ុនទឹកកកអនាម័យPremium ។ទស្សនិកជនអាចមកទស្សនាដោយផ្ទាល់ឬតាមAp Tv5 Cambodia Facebook និងតាមយូធូបរៀងរាល់ល្ងាចថ្ងៃសៅរិ៍ចាប់ពីម៉ោង៦ល្ងាចតទៅនៅស្ទូឌីយោ ប៉ុស្ដិ៍លេខ៥ ព្រែកកំពឹស។ប៉ុន្ដែនៅថ្ងៃសៅរិ៍ទី២៧ ខែមករា ឆ្នាំ២០២៤ នេះការប្រកួតត្រូវបានផ្អាក១សប្ដាហ៍ ហើយនៅថ្ងៃទី០៣ ខែកុម្ភៈ ឆ្នាំ២០២៤ ទើបមានការប្រកួតជាធម្មតា ឡើងវិញ៕
