ប្រទេសបារាំង ៖ អគ្គិភ័យបានឆាបឆេះវិហារ Cathédrale Notre-Dame de Rouen ដែលជាវិហាររ៉ូម៉ាំងកាតូលិកបុរាណ នៅទីក្រុង Rouen ខេត្តអិចក្លេស្យង់ទិក ន័រម៉ង់ឌី (ecclésiastique de Normandie) នៅភាគ ពាយ័ព្យនៃប្រទេសបារាំង នៅថ្ងៃទី១១ ខែកក្កដា ឆ្នាំ២០២៤។
![](https://norkorthom.com/wp-content/uploads/2024/07/c3-35.jpg)
នេះបើតាមការចុះផ្សាយរបស់សារព័ត៌មានបារាំង ឲ្យដឹងថា បន្ទាប់ពីកើតហេតុ អាជ្ញាធរក្រុង បានបញ្ជូនរថយន្តពន្លត់អគ្គិភ័យ ជាច្រើនគ្រឿង ទៅគ្រប់គ្រងជាបន្ទាន់ ហើយមនុស្សត្រូវបានជម្លៀសចេញពីវិហារ បន្ទាប់ពីភ្លើងឆេះ។
![](https://norkorthom.com/wp-content/uploads/2024/07/c2-45.jpg)
អភិបាលក្រុង បាននិយាយថា មិនមាននរណាម្នាក់រងរបួសក្នុងអគ្គិភ័យនៅវិហារខាងលើនោះទេ ហើយបុគ្គលិកសន្តិសុខ ត្រូវបានដាក់ពង្រាយនៅជុំវិញវិហារ ។
![](https://norkorthom.com/wp-content/uploads/2024/07/c1-56.jpg)
គួរបញ្ជាក់ថា ព្រះវិហារ ត្រូវបានគេសាងសង់តាំងពីជិត ១០០០ឆ្នាំមុនមកម្ល៉េះ ប៉ុន្តែចំពោះនៅមូលហេតុនៃអគ្គិ ភ័យនេះ នៅមិនទាន់ដឹងពីមូលហេតុនៅឡើយទេ ដោយសមត្ថកិច្ចកំពុងធ្វើការស្រាវជ្រាវ៕