សហរដ្ឋអាមេរិក ៖ លោកដូណាល់ ត្រាំ (Donald Trump) ត្រូវបានស្វាគមន៍ដោយការស្រែកថា “ប្រយុទ្ធ, ប្រយុទ្ធ, ប្រយុទ្ធ” នៅពេលដែលគាត់បានដើរចូលទៅក្នុងមហាសន្និបាតរបស់គណបក្សសាធារណរដ្ឋ កាលពីថ្ងៃសៅរ៍ ទី១៤ ខែកក្កដា ឆ្នាំ២០២៤ ត្រឹមតែពីរថ្ងៃបន្ទាប់ពីការរួចជីវិតពីការប៉ុនប៉ងធ្វើឃាត ដោយអតីតប្រធា នាធិបតី និងជាបេក្ខជនប្រធានាធិបតី របស់គណបក្សសាធារណរដ្ឋរូបនេះ បានបង្ហាញខ្លួននៅថ្ងៃទី១៦ ខែកក្កដា ឆ្នាំ២០២៤ ជាមួយបង់រុំរបួសត្រចៀកខាងស្តាំរបស់គាត់ ដែលត្រូវគ្រាប់កាំភ្លើងរបស់ខ្មាន់កាំភ្លើង ថូម៉ាស ម៉ាធូវ គ្រូកស៍ (Thomas Matthew Crooks) ។
![](https://norkorthom.com/wp-content/uploads/2024/07/x6-9-1024x474.jpg)
គួររំលឹកថា អតីតប្រធានាធិបតីអាមេរិក លោកដូណាល់ ត្រាំ (Donald Trump) ដែលមានអាយុ ៧៨ឆ្នាំ ត្រូវបានខ្មាន់កាំភ្លើង ឈ្មោះ ថូម៉ាស ម៉ាធូវ គ្រូកស៍ (Thomas Matthew Crooks) បាញ់ប្រហារ ប៉ុនប៉ងសម្លាប់ ខណៈពេលដែលគាត់កំពុងនៅលើវេទិកា ថ្លែងសុន្ទរកថាដើម្បីធ្វើយុទ្ធនាការបោះឆ្នោតប្រធានាធិបតីសហរដ្ឋអា មេរិក នៅចុងឆ្នាំនេះ តែសំណាងល្អ គ្រាប់កាំភ្លើងបានហោះខុសគោលដៅតែបន្តិចប៉ុណ្ណោះ មកប៉ះស្លឹកត្រចៀកខាងស្តាំរបស់លោកត្រាំ ។
ប្រព័ន្ធផ្សព្វផ្សាយបរទេស បានចេញផ្សាយរូបថតរបស់ខ្មាន់កាំភ្លើង បន្ទាប់ពីការិយាល័យស៊ើបអង្កេតសហព័ន្ធ (FBI) កំណត់អត្តសញ្ញាណជនសង្ស័យជាខ្មាន់កាំភ្លើងដែលប៉ុនប៉ងធ្វើឃាតលោកត្រាំ ហើយជនសង្ស័យតរូវបានអ្នកបាញ់ស៊ីប នៃអង្គភាពអង្គរក្សប្រធានាធិបតី (USSS) បានបាញ់សម្លាប់ បន្ទាប់ពីបានលបបាញ់ប្រហារលោកត្រាំ បណ្តាលឲ្យលោករបួសត្រចៀកខាងស្តាំ ហើយមនុស្ស១នាក់ ដែលមកស្តាប់សុន្ទរកថា បានស្លាប់ និង២នាក់ទៀត រងរបួសធ្ងន់ ។
![](https://norkorthom.com/wp-content/uploads/2024/07/x4-19.jpg)
រូបថតរបស់ជនសង្ស័យ ត្រូវបានថតនៅពេលបានបញ្ចប់វិទ្យាល័យ នៅឆ្នាំ២០២២ នៅវិទ្យាល័យ Bethel Park នៅក្នុងទីក្រុង Bethel Park រដ្ឋផេនស៊ីលវ៉ានៀ (Pennsylvania) ដែលនៅឆ្ងាយពីទីក្រុង Butler ទៅភាគខាងត្បូង ប្រហែល ៥៦គីឡូម៉ែត្រ។
យោងទៅតាមអ្នកបោះឆ្នោតនៅរដ្ឋផេនស៊ីលវ៉ានៀ ពីមុនជនសង្ស័យបានចុះឈ្មោះបោះឆ្នោតជាគណបក្សសាធារណរដ្ឋ។ យោងតាមរបាយការណ៍ប្រព័ន្ធផ្សព្វផ្សាយរបស់សហរដ្ឋអាមេរិក ជនសង្ស័យ បានបរិច្ចាគ ១៥ដុល្លារ ដល់គណៈកម្មាធិការសកម្មភាពនយោបាយគាំទ្រលទ្ធិប្រជាធិបតេយ្យ ActBlue នៅថ្ងៃដែលលោកចូ បៃដិន (Joe Biden) ស្បថចូលកាន់តំណែងជាប្រធានាធិបតីសហរដ្ឋអាមេរិក នៅថ្ងៃទី២០ ខែមករា ឆ្នាំ២០២១។ ជនសង្ស័យរូបនេះ បានបញ្ចប់ការសិក្សានៅវិទ្យាល័យ Bethel Park ក្នុងឆ្នាំ២០២២ ហើយពីមុនបានទទួលរង្វាន់ ៥០០ ដុល្លារ ពីអង្គការមិនរកប្រាក់ចំណេញ National Math and Science Initiative។ ជនសង្ស័យធ្លាប់ធ្វើការជាបុគ្គលិកនៅក្នុងផ្ទះបាយមួយ និងជាសមាជិកនៃក្លឹបបាញ់ប្រហារក្នុងស្រុក Clairton Sportsmen’Club យ៉ាងហោចណាស់ ១ឆ្នាំ។
![](https://norkorthom.com/wp-content/uploads/2024/07/t3.jpg)
មន្ត្រីអនុវត្តច្បាប់ជឿថា កាំភ្លើងពាក់កណ្តាលស្វ័យប្រវត្តិ AR-15 ដែលប្រើដោយជនសង្ស័យ ថូម៉ាស ម៉ាធូវ គ្រូកស៍ ក្នុងការបាញ់សម្លាប់លោកដូណាល់ ត្រាំ ត្រូវបានទិញដោយឪពុករបស់ខ្លួន យ៉ាងហោច ៦ខែមុន។ គ្រូកស៍ ពាក់អាវយឺត Demolition Ranch អំឡុងពេលប៉ុនប៉ងធ្វើឃាតលោកត្រាំ ។ បន្ទាប់ពីឧប្បត្តិហេតុបាញ់ ប្រហារលោកត្រាំ ប្រភពអនុវត្តច្បាប់របស់សហរដ្ឋអាមេរិក បានប្រាប់ CBS ថា ឧបករណ៍បំផ្ទុះដែលសង្ស័យ ក៏ត្រូវបានរកឃើញនៅក្នុងរថយន្តរបស់គ្រូកស៍ ផងដែរ។ ដូច្នេះ អ្នកបច្ចេកទេសគ្រឿងផ្ទុះ ត្រូវបានហៅទៅកន្លែងកើតហេតុ។ ដើម្បីទប់ស្កាត់វត្ថុគួរឱ្យសង្ស័យនេះ។
![](https://norkorthom.com/wp-content/uploads/2024/07/x1-25.jpg)
សូមបញ្ជាក់ថា ការប៉ុនប៉ងធ្វើឃាតអតីតប្រធានាធិបតី ដូណាល់ ត្រាំ វាជាឧប្បត្តិហេតុធ្ងន់ធ្ងរលើកដំបូងក្នុងរយៈពេល៤៣ឆ្នាំ បន្ទាប់ពីលោករ៉ូណាល់ រីហ្គេន (Ronald Reagan) ត្រូវបានគេបាញ់ចំសួត ដោយគ្រាប់កាំភ្លើង បានរស់រានមានជីវិតយ៉ាងប្រផុតប្រផើយ ក្នុងឆ្នាំ១៩៨១ ។ សារព័ត៌មាន BBC រាយការណ៍ថា សាក្សីបានឃើញយុវជននោះ មានកាំភ្លើងនៅក្នុងដៃ វារនៅលើដំបូលអគារ ហើយពួកគេបានជូនដំណឹងទៅប៉ូលិស ប៉ុន្តែគេមិន បានអើពើ រហូតដល់មានការបាញ់កាំភ្លើងជាច្រើនគ្រាប់។ លោកត្រាំ ត្រូវបានបាញ់ ហើយបានបណ្តាលឲ្យមនុស្សម្នាក់ស្លាប់យ៉ាងសោកនាដកម្ម និងរបួសធ្ងន់ ២នាក់ មុនពេលខ្មាន់កាំភ្លើង ត្រូវបានបាញ់សម្លាប់ដោយគ្រាប់កាំភ្លើងរបស់អង្គភាពការពារប្រធានាធិបតីសហរដ្ឋអាមេរិក (USSS) នៅកន្លែងកើតហេតុ៕ ខៀវទុំ
![](https://norkorthom.com/wp-content/uploads/2024/07/t2.jpg)