ទីក្រុងសេអ៊ូល ៖ នៅថ្ងៃទី១៨ ខែកញ្ញា ឆ្នាំ២០២៤ ពិធីរំឭកខួបលើកទី១០ នៃសន្និសីទសន្តិ ភាពពិភពលោក HWPL 9.18 នឹងប្រារព្ធឡើងនៅក្នុងប្រទេសចំនួន១២២ រួមទាំងសាធារណរដ្ឋកូរ៉េផងដែរ។ ក្រោមប្រធានបទ ’ការកសាងសហគមន៍សន្តិភាពពិភពលោកតាមរយៈកិច្ចសហប្រតិបត្តិការអន្តរតំបន់” ព្រឹត្តិការណ៍នេះនឹងរំឭកដល់ការរួមចំណែកដល់សន្តិភាពរបស់ថ្នាក់ដឹកនាំ និងប្រជាពលរដ្ឋពិភពលោកក្នុងរយៈពេល ១០ឆ្នាំកន្លងមក និងសម្លឹងឆ្ពោះទៅរកយុទ្ធសាស្រ្តនាពេលអនាគត ដើម្បីលើកកម្ពស់សុខដុមរមនាពិភពលោក។
ក្នុងឆ្នាំ២០១៤ អង្គការសន្តិភាពអន្តរជាតិ វប្បធម៌ឋានសួគ៌ សន្តិភាពពិភពលោក ការស្ដារឡើងវិញនៃពន្លឺ (HWPL) បានរៀបចំសន្និសីទសន្តិភាពពិភពលោក HWPL នៅទីក្រុងសេអ៊ូល ប្រទេសកូរ៉េខាងត្បូង ដោយមានមេដឹកនាំជាង ១ពាន់នាក់មកពីផ្នែកនយោបាយ សាសនា ក្រុមស្ត្រី និងអង្គការយុវជន និងប្រព័ន្ធផ្សព្វផ្សាយមកពីប្រហែល ១៤០ប្រទេសត្រូវបានអញ្ជើញចូលរួម។ ក្នុងកិច្ចប្រជុំនេះបានលើកយកបញ្ហាមួយចំនួនដូចជា ការដោះស្រាយជម្លោះ ការចុះសម្រុងគ្នាខាងសាសនា និងការអនុវត្តយន្តការច្បាប់ ដើម្បីធានាបាននូវសន្តិភាពយូរអង្វែង។
HWPL បានបញ្ជាក់ថា គោលបំណងនៃពិធីនេះ គឺដើម្បីពិនិត្យមើលលទ្ធផលនៃគម្រោងសន្តិភាពចាប់តាំងពីឆ្នាំ២០១៤ និងពិភាក្សាអំពីផែនការនាពេលអនាគត។ ព្រឹត្តិការណ៍នេះមានគោលបំណងប្រមូលផ្តុំអ្នកដែលមានទេពកោសល្យក្នុងតំបន់ និងកសាងបណ្តាញដែលចាំបាច់ សម្រាប់យុទ្ធសាស្ត្រសន្តិភាពដែលស្របតាមលក្ខណៈក្នុងតំបន់។ តាមរយៈនេះ យើងគ្រោងពង្រឹងបណ្តាញក្នុងតំបន់ដើម្បីឆ្លើយតប ទៅនឹងការគំរាមកំហែងដល់សន្តិ ភាពក្នុងតំបន់ និងប្រមូលផ្តុំសមត្ថភាពរួមដើម្បី សម្រេចបាននូវចំណុចនេះវគ្គនានានឹងត្រូវធ្វើឡើងដោយផ្តោត លើកម្រិតផ្សេងៗនៃប្រជាជនក្នុងប្រទេសនីមួយៗ។
នៅក្រោមពាក្យស្លោក ’តស់យើងគ្រប់គ្នានៅក្នុងពិភពលោកក្លាយជាអ្នកនាំសារនៃសន្តិភាព”, HWPL សង្កត់ធ្ងន់លើការទទួលខុសត្រូវផ្ទាល់ខ្លួនក្នុងការលើកកម្ពស់សន្តិភាពក្នុងចំណោមមនុស្សមកពីគ្រប់មជ្ឈដ្ឋាន។ នៅក្នុងព្រឹត្តិការណ៍នេះ HWPL គ្រោងនឹងប្រមូលសារសន្តិភាពពីមនុស្សជុំវិញពិភពលោក និងចែករំលែកបំណងប្រាថ្នា សម្រាប់សន្តិភាព និងការរួបរួមក្នុងចំណោមមនុស្សមកពីគ្រប់មជ្ឈដ្ឋានជុំវិញពិភពលោក។
ក្នុងរយៈពេល ១០ឆ្នាំកន្លងមកនេះ ដោយចាប់ផ្តើមជាមួយនឹងកិច្ចព្រមព្រៀងដែលបានចុះហត្ថលេខាក្នុងឆ្នាំ២០១៤ HWPL បានរួមចំណែកក្នុងការដោះស្រាយបញ្ហាសកលដូចជាភាពតានតឹងផ្នែកយោធា ជម្លោះសេដ្ឋកិច្ច ការប្រែប្រួលអាកាសធាតុ និងការគំរាមកំហែងសន្តិសុខតាមអ៊ីនធឺណិត តាមរយៈកិច្ចសហប្រតិបត្តិការក្នុងតំបន់ និងសកម្មភាពរួមជាមួយដៃគូពិភពលោក។ លើសពីនេះ HWPL បានធ្វើការដើម្បីកសាងមូលដ្ឋានគ្រឹះដ៏រឹងមាំ សម្រាប់អភិបាលកិច្ចសន្តិភាព ដែលភ្ជាប់អង្គការអន្តរជាតិ រដ្ឋាភិបាល និងសង្គមស៊ីវិល។
នៅឯពិធីខួបលើកទី៩ ឆ្នាំ២០២៣ លោកប្រធាន Lee Man-hee នៃ HWPL បានមានប្រសាសន៍ថា ’តើអ្វីទៅជាតម្លៃនៃការលះបង់របស់យុវជនដោយសារសង្រ្គាម ហើយតើវាត្រូវបានធ្វើសម្រាប់អ្នកណា? តើនយោបាយជាអ្វី ហើយដើម្បីអ្នកណា? នៅពេលដែលសង្រ្គាមផ្ទុះឡើង យុវជនត្រូវបានពលីជីវិត។ សន្តិភាពមិនអាចសម្រេចបានតាមរយៈពាក្យសម្ដីតែមួយមុខនោះទេ។ បើសន្តិភាពបានឈ្នះលើលោកនេះ ក៏មិនមានការស្លាប់ដ៏សោកស្ដាយដែរ។ យើងត្រូវតែបន្សល់ទុកសន្តិភាពជាកេរដំណែលដល់សហគមន៍ ពិភពលោកដែលកូនចៅរបស់ យើងនឹងរស់នៅ”៕
