រុស្ស៊ី៖ ឧបនាយករដ្ឋមន្ត្រីរុស្ស៊ីលោក Dmitry Rogozin បានថ្លែងកាលពីពេលថ្មីៗនេះថាមីស៊ីលផ្លោងឆ្លងទ្វីបរបស់រុស្ស៊ីដែលបានអភិវឌ្ឍន៍ថ្មីអាចបាញ់ទម្លុះប្រព័ន្ធខែលការពារគ្រាប់មីស៊ីលរបស់សហរដ្ឋមេរិកបាន ។
នៅក្នុងកម្មវិធីមួយលើកញ្ចក់ទូរទស្សន៍ Rossiya-1 លោក Rogozin បានលើកឡើងថាឥទ្ធិពលនុយក្លេអែរដែលធ្វើឲ្យគេញញើតរបស់រុស្ស៊ីត្រូវបានបង្កើតឡើងពីមីស៊ីលផ្សេងៗដែលរាប់បញ្ចូលមីស៊ីលសម័យសូវៀត Voyevoda ជាដើម។ បច្ចុប្បន្នរុស្ស៊ីកំពុងធ្វើការអភិវឌ្ឍនូវមីស៊ីលថ្មីជាច្រើនថែមទៀត ។
យោងតាមលោកឧបនាយករដ្ឋមន្ត្រីរូបនេះ ប្រព័ន្ធការពារមីស៊ីលសហរដ្ឋអាមេរិកគឺមិនអាចគំរាមកំហែងដល់រុស្ស៊ីបានឡើយ ។ យើងអាចបោសសម្អាតប្រព័ន្ធខែលការពារអស់ទាំងនេះបាន។
លោកបន្ថែមទៀតថានៅក្នុងសមរភូមិនៃឧទ្ធម្ភាគចក្រល្បឿនលឿន រុស្ស៊ីមិនឈរនៅលេខរៀងក្រោយសហរដ្ឋអាមេរិកឡើយ ។
មួយវិញទៀតឧទ្ធម្ភាគចក្ររុស្ស៊ីដែលបានអភិវឌ្ឍន៍ឡើងថ្មីអាចបើកបានដល់កម្រិតល្បឿន៤០៥គីឡូម៉ែត្រក្នុងមួយម៉ោងឯណោះ ក្នុងអំឡុងពេលធ្វើតេស្តសាកល្បងកាលពីឆ្នាំទៅ ហើយផលិតកម្មទ្រង់ទ្រាយធំរបស់វាក៏នឹងចាប់ផ្តើមនៅក្នុងឆ្នាំ២០១៨នេះដែរ ។
ប្រែសម្រួលដោយ៖ អុីវ វិចិត្រា