មាត់ក្រអូបស្រស់ស្រាយ អាចធ្វើបានដោយខ្លួនឯង

ពេលខ្លះ ការដុសធ្មេញតែមួយមុខ មិនបានជួយឱ្យធ្មេញស្អាតទាំងស្រុងនោះទេ។ ចង់បានទឹកថ្នាំខ្ពុរមាត់បន្ថែម អាចធ្វើបានដោយខ្លួនឯង គ្រាន់តែយកជីរអង្កាមកិនឱ្យម៉ដ្ឋប្រមាណ២ស្លាបព្រាបាយ ស្រាវ៉ូដកា២ស្លាបព្រាបាយ និងទឹក២ពែង។ កិនធាតុផ្សំលាយបញ្ចូលគ្នា ត្រងយកតែទឹកដាក់ក្នុងដប។ ពេលចង់ឱ្យអារម្មណ៍ស្រឡះស្រឡំ និងមានមាត់ក្រអូបស្រស់ស្រាយ អាចយកមកខ្ពុរមាត់បាន តែកុំលេបចូលក្នុងបំពង់ក ព្រោះអាចបណ្តាលឱ្យស្រវឹងដោយមិនដឹងខ្លួន៕