យោងតាមមន្ត្រីរដ្ឋាភិបាល បានប្រាប់ទីភ្នាក់ងារសារព័ត៌មានរ៉យទ័រថា បំផ្ទុះគ្រាប់បែកអត្តឃាតនៅទីក្រុង Jalalabad ប្រទេសអាហ្វហ្គានីស្ថាន បានសម្លាប់មនុស្សយ៉ាងហោចណាស់10នាក់ កាលពីល្ងាចថ្ងៃអង្គារ ទី10 ខែកក្កដា ឆ្នាំ2018។
លោក Miakhel អ្នក្ននាំពាក្យាយកដ្ឋានសុខាភិបាលខេត្ត បានឱ្យដឹងថា នៅហេតុការណ៍បំផ្ទុះគ្រាប់បែកនេះ បានធ្វើឱ្យមនុស្ស10នាក់ស្លាប់ និង4នាក់ផ្សេងទៀត រងរបួសធ្ងន់-ស្រាល កំពុងដឹកទៅសង្គ្រោះនៅមន្ទីរពេទ្យ ដែលនៅក្បែរទីនោះ។
មន្ត្រីដដែលនោះ បានឱ្យដឹងថា អ្នក្នវាយប្រហារគ្រាប់បែកអត្តឃាត បានធ្វើវានៅក្បែរស្ថានីយប្រេងឥន្ធនៈមួយកន្លែង បណ្តាលឱ្យឆាបឆេះយ៉ាងខ្លាំង។
ចំណែកឯលោក Sohrab Qaderi សមាជិកក្រុមប្រឹក្សាខេត្ត បានឱ្យដឹងដែរថា ក្នុងចំណោមជនរងគ្រោះទាំងនោះ ភាគច្រើន គឺកុមារដែលកំពុងតែបំពេញការងារនៅជិតកន្លែងលាងរថយន្ត ជាប់នឹងកន្លែងបំផ្ទុះគ្រាប់បែកអត្តឃាត។
ក្រៅពីអ្នកស្លាប់រថយន្ត8គ្រឿង បានរងការខូចខាតទាំងស្រុង។ ក្រោយកើតហេតុ គ្មានក្រុមណាមួយចេញមុខទទួលខុសត្រូវនោះទេ៕
