តាមប្រភពព័ត៌មាន The Sun ចេញផ្សាយកាលពីថ្ងៃអង្គារ ទី១៦ ខែតុលា ឆ្នាំ២០១៨ បានឲ្យដឹងថា មហាសេដ្ឋីអារ៉ាប៊ី សាអ៊ូឌីត កំពុងចាប់អារម្មណ៍ចង់ទិញក្លឹបបិសាចក្រហម Man Utd ។
ប្រភពដដែលនោះ បានឲ្យដឹងទៀតថា ព្រះអង្គម្ចាស់ Mohammad bin Salman ដែលមានទ្រព្យក្នុងដៃជាង១ពាន់ប៊ីលានដុល្លារ ចង់ទិញក្លឹប Man Utd ដើម្បីប្រជែងជើងឯកជាមួយក្លឹប Man City ដែលកំពុងគ្រប់គ្រងដោយសេដ្ឋីអារ៉ាប់រួម Mansour bin Zayed Al Nahyan។
ទោះជាយ៉ាងក្ដី គ្រួសារ Glazer ដែលជាអ្នកគ្រប់គ្រងក្លឹបបិសាចក្រហម មិនទាន់គិតគូរចង់លក់ក្លឹបទេ។ ប៉ុន្តែសម្រាប់តម្លៃរបស់ក្លឹប Man Utd ពេលនេះ គឺច្រើនជាង៤ប៊ីលានដុល្លារ។
ព្រះអង្គម្ចាស់ Mohammad bin Salman កំពុងចង់ប្រលូកក្នុងវិស័យបាល់ទាត់ បន្ទាប់ពីបានវិនិយោគលើកីឡាករប្រណាំងរថយន្ត F1 និង WWE៕