Saturday, April 27, 2024
Homeព័ត៌មានជាតិឃាតករកាប់ប្រពន្ធស្លាប់ ខឹងរើបង្វេចមករត់ទៅនៅផ្ទះម៉ែឪបង្កើត សមត្ថកិច្ចចាប់ខ្លួនព្រឹកមិញ

ឃាតករកាប់ប្រពន្ធស្លាប់ ខឹងរើបង្វេចមករត់ទៅនៅផ្ទះម៉ែឪបង្កើត សមត្ថកិច្ចចាប់ខ្លួនព្រឹកមិញ

ត្បូងឃ្មុំ៖ ទីបំផុត ឃាតករជាប្តីដែលកាប់ប្រពន្ធស្លាប់ឮក្នុងថ្លុកឈាមយ៉ាងអាណោចអាធ័ម ត្រូវបានកម្លាំងសមត្ថកិច្ចចាប់ខ្លួនបានហើយកាលពីចេលាម៉ោង៦និង២០នាទីព្រឹក ថ្ងៃទី១៥ ខែមិថុនា ឆ្នាំ២០១៩ នៅភូទឹកចេញ ឃុំជីរោទិ៍ទី២ ខេត្តត្បូងឃ្មុំ។

ការចាប់ខ្លួនឃាតករសម្លាប់ប្រពន្ធយ៉ាងសាហាវយង់ឃ្នងនេះ ក្រោមការបញ្ជាផ្ទាល់ពីលោកឧត្តមសេនីយ៍ទៅ ប៉ែន រ័ត្ន ស្នងការនគរបាលខេត្តត្បូងឃ្មុំ។ ខណៈពេលនេះសមត្ថកិច្ចបាននាំខ្លួនសាកសួរ។

គួរបញ្ជាក់ថា កាលពីវេលាម៉ោង១និង៣០នាទីរសៀល ថ្ងៃទី១៤ ខែមិថុនា មានករណីឃាតកម្មមួយ ដោយសារបុរសជាប្តីខឹងប្រពន្ធរើបង្វេចមករស់នៅខាងឪពុកម្តាយបង្កើតវិញ បានយកកាំបិតកាប់លើប្រពន្ធជាច្រើនកាំបិត បណ្តាលឲ្យស្លាប់ក្នុងថ្លុកឈាម យ៉ាងអាណោចអាធ័ម ហើយបុរសជាប្តីបានរត់គេចខ្លួនបាត់ស្រមោល។ ហេតុការណ៍នេះបានកើតឡើងនៅចំណុចភូមិទួលវិហារ ឃុំជីរោទ៍ទី២ ស្រុកត្បូងឃ្មុំ។

ប្តីកំណាចដែលសម្លាប់ប្រពន្ធរួចរត់គេចខ្លួននេះ មានឈ្មោះ ព្រាប ម៉ាយ ភេទប្រុស អាយុ២៣ឆ្នាំ ។ ចំណែកនារីរងគ្រោះជាប្រពន្ធ មានឈ្មោះ ជុំ ធារី អាយុ១៧ឆ្នាំ។ អ្នកទាំង២ រស់នៅភូមិឃុំកើតហេតុខាងលើ។

បើតាមការឲ្យដឹងពីឪពុកបង្កើតនារីរងគ្រោះ បានឲ្យដឹងថា បន្ទាប់ពីប្តីប្រពន្ធ១គូនេះ រៀបការរួចរាល់ បាននាំគ្នាទៅរស់នៅខាងប្រុស (ផ្ទះដន្លង) ដែលនៅក្បែរផ្ទះរបស់គាត់ដែរ ហើយពួកគេតែងតែឈ្លោះប្រកែកគ្នាញឹកញាប់ណាស់។

ប្រភពដដែលបានបន្តថា ដោយសារតែរស់នៅខាងឪពុកម្តាយក្មេក មិនចុះសម្រុងជាមួយប្តី កូនស្រីរបស់លោកបានរើបង្វេចត្រឡប់មកផ្ទះគាត់វិញ។ លុះនៅរសៀលថ្ងៃកើតហេតុនេះ ពួកគេបានជួបគ្នា ហលយបានទាស់សម្តីគ្នាយ៉ាងខ្លាំង រហូតដល់កូនប្រសាររបស់លោកទាញកាំបិតកាប់ប្រពន្ធរបស់ខ្លួនបណ្តាលឲ្យស្លាប់បាត់បង់ជីវិត ក្នុងថ្លុកឈាម ភ្លាមៗនោះ កូនប្រសាររបស់លោកបានរត់គេចខ្លួនបាត់ស្រមោល។

ក្រោយកើតហេតុ កម្លាំងសមត្ថកិច្ចបានចុះដល់កន្លែងកើតហេតុ ធ្វើការពិនិត្យសាកសព ហើយក៏បានចាត់ចែងកម្លាំងតាមរកជនសង្ស័យមកផ្តន្ទាទោសតាមច្បាប់៕

RELATED ARTICLES