ភ្នំពេញ៖ ហេតុការណ៍គ្រោះថ្នាក់ចរាចរណ៍មួយ បង្កឡើងដោយសាររថយន្តដឹកអ្នកដំណើរមួយគ្រឿង បានបុកចំរហៀងរថយន្តស៊េរីទំនើបមួយគ្រឿងតម្លៃរាប់លានដុល្លារ បណ្តាលឲ្យក្រពិតទ្វាររថយន្តខាងក្រោយផ្នែកខាងឆ្វេង តែមិនមាននរណាម្នាក់រងរបួសនោះទេ។
ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង១និង៥០នាទីរសៀល ថ្ងៃទី២១ ខែកញ្ញា ឆ្នាំ ២០១៩ នៅត្រង់ចំណុចគល់ស្ពាន់ជ្រោយចង្វារ សង្កាត់វត្តភ្នំ ខណ្ឌដូនពេញ រាជធានីភ្នំពេញ។
រថយន្តបង្កហេតុ ម៉ាកសាំងយ៉ុង ពណ៌ខៀវ ពាក់ស្លាកលេខភ្នំពេញ 3A-7593.
ចំណែករថយន្តរងគ្រោះ ជាប្រភេទរថយន្តទំនើប តម្លៃរាប់លានដុល្លារ ពណ៌ស្លាទុំ ពាក់ស្លាកលេខភ្នំពេញ 2AW-0720។
ប្រភពពីកន្លែងកើតហេតុបានឲ្យដឹងថា មុនពេលកើតហេតុ គេបានរថយន្តទំនើបមួយគ្រឿងនោះ ដែលជាកម្មសិទ្ធិរបស់លោកឧកញ៉ាម្នាក់បានបើកមកដល់ចំណុចកើតហេតុខាងលើ ពេលនោះស្រាប់តែមានរថយន្តបង្កហេតុបើកមកពីក្រោយ បានជ្រុលទៅបុករថយន្តស៊េរីទំនើបនោះ ចំចំហៀងទ្វារផ្នែកខាងក្រោយ ផ្នែកខាងឆ្វេងបណ្តាលឲ្យក្រពិត។
សម្រាប់ព័ត៌មានលម្អិតនឹងផ្សាយជូនពេលក្រោយ៕
