ភ្នំពេញ៖លោកឈួន ពន្លឺ ដែលជាតារាសម្ដែងនិងបង្ហាញម៉ូដបានក្លាយទៅជាម្ចាស់ជ័យលាភីលេខ១រដូវកាលទី៣ ឆ្នាំ២០២១ ពីកម្មវិធីសង្វៀនម្ហូបរបស់Ctnដែលប្រកួតផ្ដាច់ព្រ័ត្រកាលពីថ្ងៃទី៧ខែវិច្ឆិការឆ្នាំ២០២១។តារាដែលពូកែធ្វើម្ហូបរូប នេះទទួលបាន ប្រាក់រវង្វាន់ចំនួន២០លានរៀលផងដែរពីម្ចាស់កម្មវិធីហើយលោកថានឹងយកថវិការទាំងនោះសម្រាប់ផ្គត់ផ្គងជីវភាពប្រចាំថ្ងៃទាក់ទងជីវិតសិល្បៈរបស់លោក។ជាមួយគ្នានេះដែរលោកពន្លឺក៍បានឲ្យដឹងដែរថាលោកមាន មោទនភាពដែលបានក្លាយ ទៅជា ម្ចាស់ជ័យលាភីក្នុងកម្មវិធីនេះណាស់ហើយលោកនឹងយកចំណេះជំនាញខាងចុងភៅទាំងនេះទៅធ្វើអាជីវកម្មផ្ទាល់ខ្លួននៅពេលខាងមុខនេះ ខណៈដែលមុនផ្ទុះកូវីដលោកក៍ធ្លាប់បើកភោជនីយដ្ឋានមួយតំណើរការបាន២ទៅ៣ឆ្នាំផងដែរដោយម្ហូបក្នុង ហាងភាគច្រើនគឺលោកជាអ្នកធ្វើជូនភ្ញៀវ។
លោកឈួន ពន្លឺ បានឲ្យដឹងទៀតថាកម្មវិធីសង្វៀនម្ហូប២០២១នេះមានបេក្ខភាពជាច្រើនក្រុមចូលរួមប្រកួតហើយមានការ ជម្រុះយ៉ាងស្វិតស្វាញជាច្រើនសប្ដាហ៍ទើបឈានទៅជ្រើសយក៤ក្រុមដែលជាប់ទៅប្រកួតនៅវគ្គផ្ដាច់ព្រ័ត្រ ហើយនៅថ្ងៃ ចុងក្រោយនោះលោកបានលើកយកមុខម្ហូបសំឡណាំយ៉ានំបញ្ចុកទៅប្រកួតក៍ត្រូវបានបានគណៈកម្មារការជាមេចុងភៅ២រូបសម្រេចឲ្យលោកឈ្នះក្លាយជាម្ចាស់ពានតែម្ដង។លោកពន្លឺ ថាទស្សនិកជនពិតជាចាប់អារម្មណ៍ព្រោះកន្លងមកពួកគាត់ធ្លាប់តែ ឃើញតារាចេះតែច្រៀងសម្ដែងនិងដើរម៉ូដជាដើមតែរូបលោកវិញជាតារាម្នាក់និងគេដែរបែរជាមកឈ្នះពានសង្វៀនម្ហូបទៅ វិញ។លោកពន្លឺបន្ថែមថាលោកចេះធ្វើម្ហូបខ្មែរតាំងពីនៅតូចម្លេះ ហើយចេះច្រើនមុខ ស្ទើតែគ្រប់មុខទៅហើយ ឲ្យតែម្ហូបខ្មែរតែ ចំពោះមុខម្ហូបបរទេសវិញលោកចេះដោយមុខទេ។
សូមបញ្ជាក់ថាលកឈួន ពន្លឺ អាយុ៣០ឆ្នាំមានស្រុកកំណើតនៅខេត្តកណ្ដាលហើយលោកក៍ធ្លាប់ឈ្នះពានAward Of Best Actor Star Zeus 2016 របស់ប៉ុស្ដិ៍អប្សារ៉ាផងដែរ។លោកពន្លឺ បានឲ្យដឹងថាមុននេះលោកបានផ្អាកសិល្បៈ រយៈពេលខ្លី ដោយ សារជាប់រកស៊ី និងកូវីដផ្ទុះខ្លាំងពេក ប៉ុន្ដែចាប់ពីពេលនេះតទៅលោកនឹងបន្ដការងារសិល្បៈជាធម្មតា ខណៈដែលការបើកហាង សារជាថ្មីនោះលោកមិនទាន់គិតគូឆាប់ៗនេះទេ៕
