ភ្នំពេញ ៖ កម្លាំងសមត្ថកិច្ច បានធ្វើការចុះបង្ក្រាបខុនដូ ១កន្លែង ឃាត់ខ្លួនជនបរទេសប្រុសស្រីសរុបជាង១០០នាក់ ពាក់ព័ន្ធករណីលួចលាក់បង្កប់ល្បែងអនឡាញខុសច្បាប់។
ប្រតិបត្តិការឆ្មក់បង្ក្រាបនេះ បានធ្វើឡើង កាលពីវេលាម៉ោង៥និង៣០នាទីល្ងាច ថ្ងៃទី៣១ ខែមីនា ឆ្នាំ២០២៥ នៅត្រង់ចំណុចខុនដូ ១កន្លែង តាមបណ្តោយផ្លូវលេខ៤៩៤ ក្នុងសង្កាត់ផ្សារដើមថ្កូវ ខណ្ឌចម្ការមន។
តាមប្រភពសមត្ថកិច្ច បានឱ្យដឹងថា កម្លាំងបានបើកការស្រាវជ្រាវ និងស៊ើបមើលទីតាំងខុនដូមួយនេះ ជាយូរខែមកហើយ រហូតមកដល់ថ្ងៃទី៣១ ខែមីនា ឆ្នាំ២០២៥ ទើបទទួលបានបទបញ្ជាពីថ្នាក់ដឹកនាំ ឱ្យបញ្ចេញកម្លាំងទៅកាន់ទីតាំងខាងលើនេះ ឡោមព័ទ្ធបង្ក្រាបឱ្យខាងតែបាន។
ប្រភពដដែល បញ្ជាក់ថា ជាលទ្ធផល ក្នុងកិច្ចប្រតិបត្តិការខាងលើ សមត្ថកិច្ចបានឆ្មក់បង្ក្រាបនិងឃាត់ខ្លួនជន ជាតិបរទេស មានប្រុសមានស្រី សរុបប្រមាណជាង ១០០នាក់ រួមនិងវត្ថុតាងមួយចំនួន បញ្ជូនតាមរថយន្តក្រុង ទៅកាន់អគ្គស្នងការដ្ឋាននគរជាតិ។
ជនបរទេសប្រុសស្រី ទាំងជាង១០០នាក់ខាងលើ ត្រូវបានសមត្ថកិច្ចចាត់ការតាមនីតិវិធី៕