ខេត្តស្វាយរៀង ៖ សមត្ថកិច្ចកិច្ចជំនាញប្រឆាំងគ្រឿងញៀន បានបើកប្រតិបត្តិការស្រាវជ្រាវបង្ក្រាបករណីជួញដូររក្សាទុក និងប្រើប្រាស់ដោយខុសច្បាប់នូវសារធាតុញៀន ដោយចាប់ខ្លួនក្រុមឧក្រិដ្ឋជនជាជនជាតិវៀត ណាម ចំនួន៤នាក់ ព្រមទាំងដកហូតវត្ថុតាង គ្រឿងញៀន ប្រភេទគ្រាប់ ចំនួន២៨ ១១៥គ្រាប់ ស្មើនឹងទម្ងន់ជិត ៣គីឡូក្រាម នៅក្រុងបាវិត។
ប្រតិបត្តិការបង្ក្រាបករណីគ្រឿងញៀននេះ បានធ្វើឡើងកាលពីថ្ងៃទី៣០ ខែមីនា ឆ្នាំ២០២៥ នៅក្នុងភូមិសាស្ត្រសង្កាត់បាវិត ក្រុងបាវិត។
តាមប្រភពសមត្ថកិច្ច បានឱ្យដឹងថា កាលពីថ្ងៃទី៣០ ខែមីនា ឆ្នាំ២០២៥ សមត្ថកិច្ចបានដឹកនាំកម្លាំងចុះបង្ក្រាបក្រុមឧក្រិដ្ឋជន ជាជនជាតិវៀតណាម ចំនួន៤នាក់ ដកហូតវត្ថុតាង រួមមានគ្រឿងញៀន ប្រភេទកេតាមីន ចំនួន២៨ ១១៥គ្រាប់ (ទម្ងន់ជិត៣គីឡូក្រាម)។
ប្រភពដដែល បន្តថា ដោយមានការចង្អុលបង្ហាញ និងបញ្ជាពីលោកឧត្តមសេនីយ៍ទោ ពេជ្រ វិរៈ ស្នងការនគ បាលខេត្តស្វាយរៀង កម្លាំងការិយាល័យប្រឆាំងបទល្មើសគ្រឿងញៀន នៃស្នងការដ្ឋាននគបាលខេត្ត សហការជាមួយកម្លាំងអធិការដ្ឋាននគរបាលក្រុងបាវិត កម្លាំងនគបាលប៉ុស្តិ៍រដ្ឋបាលសង្កាត់បាវិត បានចុះធ្វើការបង្ក្រាបនិងចាប់ខ្លួនក្រុមឧក្រិដ្ឋជនជនជាតិវៀតណាមចំនួន៤នាក់ ព្រមទាំងដកហូតវត្ថុតាង រួមមាន គ្រឿងញៀន ប្រ ភេទកេតាមីន ចំនួន ២៨ ១១៥គ្រាប់ ទម្ងន់ជិត៣គីឡូក្រាម។
ក្រោយពីធ្វើការសាកសួររួច សមត្ថកិច្ចបានកសាងសំណុំរឿង បញ្ជូនជនសង្ស័យទាំង៤នាក់ រួមនិងវត្ថុតាង ទៅកាន់សាលាដំបូងខេត្តស្វាយរៀង ដើម្បីចាត់ការតាមច្បាប់ និងត្រូវបានចៅក្រមស៊ើបសួរ ចេញដីកាឃុំខ្លួនបណ្តោះអាសន្ននៅពន្ធនាគារ ខេត្តស្វាយរៀង៕